Jurgen Klopp បកស្រាយថា មិនដឹង Nunez និង Pep មានបញ្ហាអីនឹងគ្នាទេ

ក្នុងជំនួបស្មើគ្នា 1-1 នៅទឹកដី Man City ទល់នឹងហង្សក្រហម Liverpool គេឃើញមានការប៉ះទង្គិចសម្ដីគ្នាមួយប្រាវ រវាងអ្នកចាត់ការក្រុមមេឃខៀវ Pep Guardiola និងខ្សែប្រយុទ្ធសញ្ជាតិអ៊ុយរុយហ្កាយ Darwin Nunez ហើយអ្នកចាត់ការ Jurgen Klopp ជាអ្នកបំបែកគូភាគីទាំង 2 ។ បែបណាក្ដី គ្រូបង្វឹកខាងលើបានឆ្លើយទៅអ្នក

កាសែតថាខ្លួនមិនយល់ពីអ្វីដែលអ្នកទាំង 2​ នោះ​បោះសម្ដីឱ្យគ្នាឡើយ។

«ខ្ញុំ​មិន​ប្រាកដ​ថា ​តើ​ខ្ញុំ​គួរ​តែ​ជា​អ្នក​ពន្យល់​រឿង​នេះ​ឬ​អត់នោះទេ ព្រោះថា​ខ្ញុំ​មិន​ពាក់ព័ន្ធ​អ្វី​ទាំងអស់។ វាជារឿងភ្ញាក់ផ្អើលដ៏ធំមួយសម្រាប់ខ្ញុំ ហើយខ្ញុំស្រលាញ់ពួកគេទាំងពីរ ដូច្នេះ​ខ្ញុំ​ព្យាយាម​ធ្វើ​ឲ្យ​ស្ថានការណ៍​ស្ងប់​ដោយ​មិន​ដឹង​ថា​មាន​អ្វី​កើត​ឡើង 100 ភាគរយ​ ព្រោះ​ខ្ញុំ​មិន​យល់​ពី​អ្វី​ដែល​គេ​និយាយគ្នានោះទេ»។ លោក Jurgen Klopp ពន្យល់បែបនេះ។

ចំណែកសាមីខ្លួនលោក Pep Guardiola បានផ្តល់ចម្លើយខ្លីមួយ អំឡុងពេលសម្ភាសន៍ក្រោយការប្រកួតរបស់គាត់ថា៖ «គ្មានអ្វីកើតឡើងទាល់តែសោះ»។

រំឭកថា អំឡុងពេលចុងបញ្ចប់នៃការប្រកួតរវាង Man City និង Liverpool គ្រូបង្វឹកសញ្ជាតិអេស្ប៉ាញ Pep Guardiola បានដើរជិត Darwin Nuñez ហើយបាននិយាយពាក្យមួយចំនួនទៅគេ ដែល​ធ្វើ​ឲ្យ​ខ្សែ​ប្រយុទ្ធ​អ៊ុយរូហ្គាយ​មិន​សប្បាយ​ចិត្ត។

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com