Varane មានពត៌មានចចាមអារាមថា កំពុងជាគោលដៅរបស់ Bayern Munich

Bayern Munich ត្រូវបានគេដឹងថា កំពុងពិចារណាលើសំណើរ ដើម្បីចុះហត្ថលេខានាំយកខ្សែការពារ Raphael Varane របស់ Manchester United មកចូលរួមក្នុងខែមករាខាងមុខ។ Varane បានបាត់បង់កៅអី 11នាក់ដំបូងរបស់គាត់ មួយរយៈចុងក្រោយនេះ ដោយអ្នកចាត់ការ Eric ten Hag ជ្រើសរើស Harry Maguire និង

Jonny Evans រួមគ្នាជាដៃគូការពារកណ្តាល ខណៈដែល Lisandro Martinez បង្ហាញសញ្ញាវិលត្រលប់ពីរបួស។

លើសពីនេះ ក្នុងជ័យជម្នះ 1-0 លើ Luton Town ទោះបីជា Evans របួសក្ដីតែ Varane នៅតែមិនបានលេង ដោយ Victor Lindelof ជាអ្នកប្ដូរជំនួស។

ថ្មីៗនេះ សារព័ត៌មាន Sky អាល្លឺម៉ង់ ដែលជាប្រព័ន្ធផ្សព្វផ្សាយដ៏ល្បីល្បាញបានរាយការណ៍ថា Bayern ចាប់អារម្មណ៍ក្នុងការទិញយកខ្សែការពារវ័យ 30 ឆ្នាំរូបនេះ ហើយកំពុងតាមដានស្ថានភាពរបស់កីឡាកររូបនេះយ៉ាងដិតដល់។

អតីតខ្សែការពារ Real Madrid អាចមានតម្លៃចន្លោះពី 20 ទៅ 30 លានអឺរ៉ូ ទោះជាយ៉ាងណាក៏ដោយ ប្រាក់ខែរបស់ Varane អាចជាឧបសគ្គ។ ខណៈដែលបច្ចុប្បន្ន គាត់ត្រូវបានគេជឿថា ជាកីឡាករដែលមានប្រាក់ខែខ្ពស់បំផុតរបស់ Manchester United ប្រមាណ 35 ម៉ឺនផោនក្នុងមួយសប្តាហ៍។

Varane ទើបតែចាប់ផ្តើម 1ប្រកួតប៉ុណ្ណោះ ក្នុងចំណោម 8ប្រកួតចុងក្រោយ ខណៈលោក Ten Hag អះអាងថា មិនមានជម្លោះរវាងគាត់ និង Varane ទេ។ គ្រូបង្វឹកដដែលពន្យល់ថា បានដាក់ Varane បម្រុងក៏ព្រោះហេតុផលយុទ្ធសាស្ត្រ ហើយដោយសារតែ Maguire ត្រលប់មកទម្រង់លេងកំពូលវិញ ដែលធ្វើអោយគាត់បាត់បង់តំណែងរបស់គាត់នៅក្នុងក្រុម៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com