Novak Djokovic គ្រងជើងឯក US Open សម្រេចបំណងឈ្នះ Grand Slam 24 លើក

ទីបំផុតការប៉ុនប៉ងចង់ឈ្នះពាន Grand Slam ឱ្យតាមស្មើកំណត់ត្រារបស់អតីតកីឡាការិនី Margaret Court របស់ Novak Djokovic បានសម្រេចហើយ ក្រោយយកឈ្នះកីឡាកររុស្ស៊ី Daniil Medvedev នៅវគ្គផ្តាច់ព្រ័ត្រ US Open នាទីក្រុងញូវយ៉ក សហរដ្ឋអាមេរិក។ កីឡាករវ័យ 36 ឆ្នាំសញ្ជាតិស៊ែបរូបនេះ ឈ្នះដោយ

លទ្ធផលមិនតានតឹងពេកទេ 3 សិតផ្ទួនៗ ក្នុងពិន្ទុ 6-3 7-6(7-5) និង 6-3 តែនៅក្នុងសិតទី 2 នោះ ត្រូវចំណាយពេលដល់ទៅ 1 ម៉ោង 44 នាទី។

ថ្វីបើឈានដល់វ័យ 36 ឆ្នាំក្តី Novak Djokovic ហាក់មិនបានបង្ហាញពីការធ្លាក់ចុះសមត្ថភាពរាងកាយរបស់ខ្លួនឡើយ បន្ទាប់ពីឆ្នាំ 2023 នេះ គេបានឈ្នះជើងឯក Grand Slam សរុប 3 ក្នុងចំណោម 4 លើក។

Djokovic បានបំបែកកំណត់ត្រារបស់ Rafael Nadal ដែលឈ្នះជើងឯកសរុប 22 Grand Slam តាមរយៈការឈ្នះជើងឯក Australian Open កាលពីដើមឆ្នាំ។

Djokovic នឹងមិនទាន់គិតពីការចាកចេញពីអាជីពកីឡាករវាយកូនបាល់ឡើយ ស្របពេលបេសកកម្មបន្ត គឺការបំបែកកំណត់ត្រារបស់អតីតកីឡាការិនីរុស្ស៊ី Margaret Court តែម្តង នៅពេលចូលរួមការប្រកួត Australian Open នៅខែមករា ដើមឆ្នាំ 2024 ខាងមុខ៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com