គ្រូបង្វឹកអង់គ្លេស ត្រៀមប្រកាសសមាជិកក្រុមទាំង26នាក់សម្រាប់ Euro 2020 ថ្ងៃនេះ

លោក Gareth Southgate នឹង​ប្រកាស​ឈ្មោះ​កីឡាករ​ទាំង​២៦​នាក់​ចុងក្រោយ​របស់​លោកនៅ​ថ្ងៃ​អង្គារ​នេះ សម្រាប់​ព្រឹត្តិការណ៍ Euro ឆ្នាំ​2020 របស់ក្រុម​បាល់​ទាត់​ជម្រើស​ជាតិ​អង់គ្លេស​។ កីឡាករ​ Ben White, Ben Godfrey, Sam Johnstone និង Aaron Ramsdale ដែល​មិន​ធ្លាប់បាន​បង្ហាញខ្លួន​សោះ​ក្នុង​ក្រុម​ជម្រើស​ជាតិ​អង់គ្លេស ត្រូវ​បាន​បញ្ចូល​ឈ្មោះ​ក្នុង​ក្រុម​បណ្តោះ​អាសន្ន​ទាំង​៣៣នាក់ កាលពីស​ប្តាហ៍មុន​។

រយៈពេល​១០​ថ្ងៃ នៅមុន​ពេល​យុទ្ធនាការ Euro ឆ្នាំ​២០២០ ចាប់​ផ្តើម លោក Southgate នឹង​បញ្ជូន​បញ្ជី​ឈ្មោះ​ចុងក្រោយ​ទៅកាន់ UEFA ក្រោយ​ពី​បានពន្យារ​ពេល​ការ​សម្រេច​ចិត្ត​របស់​លោក​។ លោក​បាន​ឲ្យដឹង​ថា ការ​ត្រៀម​លក្ខខណៈ​នានា​របស់​ក្រុម​លោក​ត្រូវ​បាន​ធ្វើ​ឲ្យ​មាន​ភាព​ស្មុគ​ស្មាញ​ដោយ​សារ​តែ​ការ​ប្រកួតរវាងក្រុម Manchester City និង Chelsea ក្នុង​ក្រប​ខ័ណ្ឌ Champions League វគ្គ​ផ្តាច់​ព្រ័ត្រ​។ ចាប់​តាំងពី​​ប្រកាស​ឈ្មោះ​ក្រុម​ជា​បណ្តោះ​អាសន្ន​របស់​លោក ក្លិប Manchester United ក៏​បាន​ចូល​លេងក្នុងក្រប​ខ័ណ្ឌ  Europa League វគ្គ​ផ្តាច់​ព្រ័ត្រ​ផង​ដែរ​។ កីឡាករ​១២នាក់ ដែល​ត្រូវ​បាន​បញ្ចូល​ឈ្មោះក្នុងក្រុម​ជា​បណ្តោះ​អាសន្ន សុទ្ធ​សឹង​បាន​ចូល​លេង​ ឬ​ស្ថិត​ជាកីឡាករ​បម្រុង​ក្នុងក្រប​ខ័ណ្ឌ Champions League និង Europa League វគ្គ​ផ្តាច់​ព្រ័ត្រ​៕

ប្រភព​ព័ត៌​មាន៖ BBC