យ៉ុន យ៉ើន កីឡាការិនីកម្ពុជាដំបូង រកបានគ្រាប់បាល់នៅ AFC Women Champions League

កីឡាការិនីជម្រើសជាតិកម្ពុជា យ៉ុន យ៉ើន បានរកគ្រាប់បាល់ដំបូងឲ្យក្រុម Young Elephants FC របស់ឡាវ ក្នុងការប្រកួតជម្រុះបឋម នៃពានរង្វាន់ក្លិបបាល់ទាត់នារីប្រចាំទ្វីបអាស៊ី AFC Women Champions League 2024/25 ជាមួយក្រុម Abu Dhabi Country Club របស់អារ៉ាប់រួម កាលពីរាត្រីថ្ងៃអាទិត្យកន្លងទៅ

អានព៌ត័មានកីឡាក្នុងស្រុកផ្សេងៗទៀត

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

នៅប្រទេសអារ៉ាប់ប៊ីសាអូឌីត ។

ក្នុងនាមកីឡាការិនីខ្ចីជើងពីក្លិបណាហ្គាវើលដ៏ របស់កម្ពុជា ដើម្បីប្រកបអាជីពក្នុងនាមកីឡាការិនីអន្ដរជាតិក្រៅស្រុកលើកដំបូង យ៉ុន យ៉ើន ត្រូវបានគ្រូបង្វឹកក្រុម Young Elephants FC ផ្ដល់ឱកាសឲ្យលេងជម្រើស 11នាក់ដំបូង ហើយរយៈពេល 90នាទីពេញលើទីលាន យ៉ុន យ៉ើន តែងមានឱកាសស៊ុតជារឿយៗ ពិសេសនៅចុងម៉ោង ដែលនាងបានស៊ុតបាល់បញ្ចប់ទីក្បែរបាទីខាងលើផុតដៃអ្នកចាំទីយ៉ាងអស្ចារ្យ ។

ប៉ុន្ដែសោកស្ដាយគ្រាប់បាល់របស់កីឡាការិនីកម្ពុជារូបនេះ មិនអាចជួយស្រោចស្រង់ក្រុមបាល់ទាត់នារីរបស់ឡាវ ទទួលបានពិន្ទុពីការប្រកួតដំបូង នៃវគ្គជម្រុះបឋមពូលA ក្នុងពានរង្វាន់ប្រចាំទ្វីបអាស៊ីនេះឡើយ បន្ទាប់ពីត្រូវក្រុម Abu Dhabi Country Club រកបាន 2គ្រាប់មុន តាំងពីនាទី46 ដែលនាំឲ្យលទ្ធផលក្រោយចប់ការប្រកួតក្រុម Young Elephants ចាញ់ក្រុមមកពីអារ៉ាប់រួមនេះ ដោយលទ្ធផល 2-1 តែម្ដង ។

ជាមួយការបរាជ័យនេះដែរ ក្រុម Young Elephants របស់ឡាវ សល់ឱកាសស្ដួចស្ដើងក្នុងការប្រជែងកៅអីវគ្គចែកពូល នៃព្រឹត្តិការណ៍បាល់ទាត់ AFC Women Champions League 2024/25 ដ្បិតក្រុមរបស់ យ៉ុន យ៉ើន នៅសល់ការប្រកួត 2ប្រកួតទៀត ដោយត្រូវជួបក្រុម Al Nassr របស់ម្ចាស់ផ្ទះ នាថ្ងៃទី28 ខែសីហា មុនជួបក្រុម Myawady របស់មីយ៉ាន់ម៉ា ដើម្បីបញ្ចប់ពូល នាថ្ងៃទី31 ខែសីហា ឆ្នាំ2024 ខាងមុខ ។

គួរដឹងថា នេះជាលើកដំបូងហើយ ដែលកីឡាការិនីកម្ពុជា ត្រូវបានខ្ចីជើងទៅប្រកបអាជីពក្រៅស្រុក ហើយ យ៉ុន យ៉ើន ក៏បានក្លាយជាកីឡាការិនីកម្ពុជាដំបូង ដែលរកបានគ្រាប់បាល់ក្នុងការប្រកួតបាល់ទាត់នារីជើងឯកក្លិបបាល់ទាត់អាស៊ីនេះផងដែរ ៕