ឡាយអិនឃីងលត់កំពង់ស្ពឺ 7-1 មានភាគរយខ្ពស់ទៅវគ្គ ½ ផ្ដាច់ព្រ័ត្រ

លោក សុង ម៉េងលាង អ្នកចាត់ការក្រុម ឡាយអិនឃីងសៀមរាប ប្រាប់ឱ្យដឹងថាលោករីករាយនឹងលទ្ធផលបែបនេះ ប៉ុន្តែនៅមានចំនុចខ្វះខាតមួយចំនួនដែលត្រូវកែប្រែ។ លទ្ធផលនេះស្រួលសម្រាប់ក្រុម ព្រោះមានគ្រាប់ចំណេញច្រើន ហើយចំពោះមុខត្រូវធ្វើឱ្យច្រើនបន្ថែមទៀត និងបន្តឈ្នះ។ លោកបន្ថែមថាក្រុមដែលធ្វើឱ្យឡាយអិនឃីងបារម្ភគឺត្បូងឃ្មុំ ឈើតុំខេត្តពោធិ៍សាត់ និងជើងឯកឆ្នាំចាស់។

ចំណែកអ្នកចាត់ការក្រុមកំពង់ស្ពឺលោក ម៉ម កុសល បញ្ជាក់ក្រោយចប់ការប្រកួតថាសម្រាប់ការប្រកួតជើងទី2នៅទឹកដីនឹងស្រួលជាងនេះ ក្នុងការប្រមូលផ្តុំកីឡាករ ដោយសារកីឡាកររបស់លោកភាគច្រើនស្មគ្រចិត្ត និងធ្វើការ តែយ៉ាងណាមិនបណ្ដោយឱ្យឈ្នះច្រើនគ្រាប់ដូចនេះទេ។

គួរដឹងដែរថា ការប្រកួតជើងទី2 ក្រុមបាល់ទាត់មន្ទីរ អយក ខេត្តកំពង់ស្ពឺ ត្រូវទទួល ឡាយអិនឃីង នាថ្ងៃទី26 ខែវិច្ឆិកា ឆ្នាំ2024 នៅទីលានបាល់ទាត់សាលាតម្រង់ទិស វិទ្យាល័យខេត្តកំពង់ស្ពឺ៕