8ឆ្នាំមិនឈ្នះពានសោះ Gareth Southgate លាលែងពីក្រុមជម្រើសជាតិអង់គ្លេស

អ្នកចាត់ការក្រុមជម្រើសជាតិអង់គ្លេសលោក Gareth Southgate បានសម្រេចចិត្តលាលែងពីតំណែងរបស់ខ្លួនហើយ 2 ថ្ងៃបន្ទាប់ពីចាញ់អេស្ប៉ាញនៅវគ្គផ្តាច់ព្រ័ត្រ Euro 2024 នៅអាល្លឺម៉ង់។ អង់គ្លេសបានរងបរាជ័យនៅវគ្គផ្តាច់ព្រ័ត្របាល់ទាត់អឺរ៉ុបពីរលើកជាប់គ្នា បន្ទាប់ពីចាញ់ 2-1 នៅទីក្រុងប៊ែកឡាំងកាលពីថ្ងៃអាទិត្យ។

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

បុរសវ័យ 53 ឆ្នាំរូបនេះ បានដឹកនាំក្រុមអង់គ្លេសរយៈពេល 8 ឆ្នាំមកហើយ សរុប 102 ប្រកួតក្នុងតំណែង ខណៈកិច្ចសន្យារបស់លោកនឹងអស់សុពលភាពនៅដំណាច់ឆ្នាំនេះ។

លោក Southgate បាននិយាយថា លោកមានមោទនភាពដែលកើតមកជាជនជាតិអង់គ្លេស និងជាមោទនភាពធំបំផុតក្នុងជីវិតដែលបានដឹកនាំក្រុមអង់គ្លេស តែជាពេលវេលាសមស្របហើយ ដែលតម្រូវឱ្យមានការផ្លាស់ប្តូរនៅក្នុងក្រុមជម្រើសជាតិ។

ក្រោមការដឹកនាំរបស់លោក Southgate សរុប 102 ប្រកួតនេះ អង់គ្លេសឈ្នះ 64 ប្រកួត ស្មើ 20 ចាញ់ 18 គិតជាភាគរយឈ្នះ 63 ភាគរយ។ លោក Southgate បានក្លាយជាអ្នកចាត់ការអង់គ្លេសដំបូងដឹកនាំក្រុមឡើងវគ្គផ្តាច់ព្រ័ត្រពានបាល់ទាត់ធំ តាំងពីឆ្នាំ 1966 ឈ្នះ World Cup ក្រោមការដឹកនាំរបស់លោក Alf Ramsey។

ក្នុងចំណោមជ័យជំនះទាំង 64 ប្រកួតនោះ គេឃើញមានជ័យជំនះនៅវគ្គចាញ់ធ្លាក់ 6 ប្រកួត ឈ្នះ 9 ប្រកួត និងបាល់ 11 ម៉ែត្រកាត់សេចក្តីពីរលើកនៅក្នុងព្រឹត្តិការណ៍បាល់ទាត់ធំៗ តែមិនឈ្នះពាន។ អង់គ្លេសដែលនឹងត្រូវជួបជាមួយសាធារណរដ្ឋអៀកឡង់នៅក្របខណ្ឌ UEFA Nations League ថ្ងៃទី7 ខែកញ្ញានោះ នៅពេលនេះកំពុងស្វែងរកអ្នកចាត់ការថ្មី៕