លទ្ធផលចាប់ឆ្នោតបែងចែកពូល ព្រឹត្តិការណ៍ FIFA Club World Cup

ក្លិបអេស៊ីប Al-Ahly មុនបន្តជួប FC Porto និងក្លិបប្រេស៊ីល Palmeiras។

Manchester City ជាក្លិបចុងក្រោយដែលឈ្នះជើងឯក Club World Cup រូបមន្តចាស់នៅឆ្នាំ 2023 កំពុងឈរលេខបួននៅ Premier League ខណៈដែលកីឡាករសំខាន់ម្ចាស់ពាន Ballon d’O Rodri មានរបួសដាច់សសៃពួរ ACL។

Man City ដែលជាជើងឯក Premier League បួនរដូវកាលជាប់គ្នា នឹងត្រូវជួប Wydad AC មុនគេក្នុងពូល មុនបិទបញ្ចប់ជាមួយ Juventus។

ចំណែក Inter Miami ដែលឈ្នះជើងឯក Supporters’ Shield ជាក្រុមបញ្ចប់រដូវកាលវិលជុំលើគេនៅក្របខណ្ឌ Major League Soccer មុនពេលចាញ់ Atlanta United វគ្គ Play-Off ជុំដំបូង។

រីឯជើងឯក Champions League អឺរ៉ុបចុងក្រោយបំផុតរដូវកាលមុន Real Madrid នឹងត្រូវជួបជាមួយជើងឯកអារ៉ាប៊ីសាអ៊ូឌីត Al-Hilal ក្លិបម៉ិកស៊ិក Pachuca និងក្លិបអូទ្រីស Red Bull Salzburg ក្នុងពូល H ខណៈដែល Bayern Munich ស្ថិតក្នុងពូល C ជាមួយក្លិបនូវែសេឡង់ Auckland City ក្លិបអាហ្សង់ទីន Boca Junior និងក្លិបព័រទុយហ្កាល់ Benfica។

ជើងឯកអឺរ៉ុបបីសម័យ Inter Milan ស្ថិតក្នុងពូល E ជាមួយក្លិបអាហ្សង់ទីន River Plate ក្លិបជប៉ុន Urawa Red Diamonds និងក្លិបម៉ិកសិក Monterrey ខណៈដែល Paris Saint Germain ត្រូវប្រឈមជាមួយ Atletico Madrid ជើងឯក Copa Libertadores ថ្មីៗ Botafogo របស់ប្រេស៊ីល និងក្លិបអាមេរិក Seattle Sounder។
រីឯតោខៀវ Chelsea ស្ថិតក្នុងពូល D ជួបជាមួយក្លិបម៉ិក FC Leon ក្លិបប្រេស៊ីល Flamengo និងក្លិបទុយនេស៊ី Esperance។

ការចាប់ឆ្នោតបែងចែកពូលនេះមានចូលរួមពីអតីតជ័យលាភី World Cup របស់អ៊ីតាលី Alessandro del Piero ប្រធាន FIFA លោក Gianni Infantino និងមានការផ្ញើសារជូនពរពីប្រធានាធិបតីជាប់ឆ្នោតថ្មីរបស់អាមេរិកលោក Donald Trump ផងដែរ។

ព្រឹត្តិការណ៍ FIFA Club World Cup ដែលជួបជុំដោយក្លិបបាល់ទាត់កំពូលៗជុំវិញពិភពលោក នឹងត្រូវរៀបចំឡើងនៅកីឡដ្ឋានចំនួន 12 ជុំវិញសហរដ្ឋអាមេរិកពីថ្ងៃទី 15 ខែមិថុនាដល់ថ្ងៃទី 13 ខែកក្កដា និងត្រូវបានចាត់ទុកជាព្រឹត្តិការណ៍សមមួយត្រៀមរៀប World Cup 2026 ដែលធ្វើឡើងនៅទឹកដីអាមេរិក កាណាដា និងម៉ិកស៊ិក៕