FIFA Award ៖ Vini Jr. ឈ្នះពានកីឡាករឆ្នើមផ្នែកបុរស ចំណែក Bonmati ឈ្នះផ្នែកនារី

ខ្សែប្រយុទ្ធស្លាបប្រេស៊ីល និង Real Madrid, Vinicius Junior បានក្លាយជាម្ចាស់ពានជ័យលាភីកីឡាករឆ្នើមបំផុតប្រចាំឆ្នាំរបស់ FIFA ខណៈដែលកីឡាការិនីអេស្ប៉ាញ និង Barcelona, Aitana Bonmati ឈ្នះពានជ័យលាភីផ្នែកនារីពីរឆ្នាំជាប់គ្នា។សម្រាប់ Vinicius Junior បានស៊ុតបញ្ចូលទី 24 គ្រាប់នៃ 39

ប្រកួតគ្រប់ក្របខណ្ឌរដូវកាលមុនជួយឱ្យ Real Madrid ឈ្នះជើងឯក La Liga និង UEFA Champions League និងជាអ្នកស៊ុតបញ្ចូលទីវគ្គផ្តាច់ព្រ័ត្រពេលយកឈ្នះ Borussia Dortmund ផងដែរ។

កីឡាករវ័យ 24 ឆ្នាំរូបនេះទទួលបានសម្រេចគាំទ្រច្រើនជាងគេ នៅពីលើខ្សែបម្រើអេស្ប៉ាញ និង Manchester City, Rodri ខណៈលេខបីគឺខ្សែបម្រើអង់គ្លេស Jude Bellingham។ Vinicius Junior កាលពីខែតុលាទទួលបានសម្រេចឆ្នោតគាំទ្រលំដាប់ទីពីរប៉ុណ្ណោះ ខណៈ Rodri ទទួលបាន សម្លេងគាំទ្រច្រើនជាងគេដើម្បីឈ្នះពានកីឡាករឆ្នើម Ballon d’Or ។

ចំណែកកីឡាការិនី Aitana Bonmati ដែលជាម្ចាស់ពាន Ballon d’Or ដែរនោះ ទទួលបានសម្លេងគាំទ្រច្រើនជាងគេដើម្បីឈ្នះពានកីឡាការិនីឆ្នើមប្រចាំឆ្នាំរបស់ FIFA នេះពីរឆ្នាំជាប់គ្នា នៅពីលើកីឡាការិនីហ្សាំបៀ Barbra Banda និងកីឡាការិនីន័រវេស Caroline Graham។

កីឡាការិនីវ័យ 26 ឆ្នាំរូបនេះបានជួយក្រុមបាល់ទាត់នារី Barcelona ឈ្នះពានបីក្នុងមួយរដូវកាលមុន ដែលរួមមានការការពារតំណែងជើងឯក Champions League នារី និងស៊ុតបញ្ចូលទីនៅវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រឱ្យក្រុមបាល់ទាត់នារីអេស្ប៉ាញឈ្នះជើងឯក UEFA Nations League កាលពីខែកុម្ភៈផងដែរ។

ដោយឡែកពានជ័យលាភីផ្សេងទៀតលោក Carlo Ancelotti បានឈ្នះពានគ្រូបង្វឹកឆ្នើមប្រចាំឆ្នាំក្រោយដឹកនាំ Real Madrid ឈ្នះជើងឯក La Liga និង Champions League។

ចំណែកឯខ្សែបម្រើស្លាប Manchester United, Alejandro Garnacho បានក្លាយជាម្ចាស់ពាន Pukas Award គ្រាប់បាល់បញ្ចូលទីស្អាត និងអស្ចារ្យបំផុត ដែលធ្វើបាននៅពេល Manchester United ជួបម្ចាស់ផ្ទះ Everton កាលពីខែវិច្ឆិកាឆ្នាំមុន៕