របួសវិលមកញ៉ាំញី ខ្សែការពារបារាំង Raphael Varane ប្រកាសចូលនិវត្តន៍នៅអាយុ 31ឆ្នាំ

អតីតខ្សែការពារ Real Madrid និង Manchester United, Raphael Varaneបានសម្រេចប្រកាសចូលនិវត្តន៍ពីអាជីពបាល់ទាត់គួរឱ្យភ្ញាក់ផ្អើលនៅថ្ងៃពុធម្សិលមិញ ក្រោយទទួលរងរបួសជង្គង់ធ្ងន់ធ្ងរក្នុងប្រកួតដំបូងជាមួយក្លិបថ្មី FC Como។ ត្រឹមវ័យ 31 ឆ្នាំ Varane បានសម្រេចចិត្តបែបនេះទាំងបង្ខំនៅលើបណ្តាញសង្គម Instagram

អានព៌ត័មានកីឡាអន្តរជាតិផ្សេងៗទៀត

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

របស់ខ្លួនដោយលើកឡើងថា ការសម្រេចមកដល់ទឹកដីអ៊ីតាលីជាមួយ Como ដើម្បីមហិច្ចតាលេងបាល់ទាត់ចុងក្រោយនៃអាជីព តែការបញ្ចប់អាជីពតែងតែ ពេលខ្លះក៏មានរឿងល្អ ពេលខ្លះក៏ជួបរឿងមិនគប្បប្រសើរ។ តែការសម្រេចចិត្តនៅពេលនេះ គឺជាពេលវេលាសក្តិសមបំផុត ហើយក៏មិនសោកស្តាយដែរ។ បើតាមការបញ្ជាក់ Varane ថានឹងមិនចាកចេញពី Como ឡើយ ដោយនឹងបន្តដើរតួនាទីក្នុងក្រុមការងារគ្រូបង្វឹក។ រំលឹកថាខ្សែការពារសញ្ជាតិបារាំងរូបនេះ បានចាប់ផ្តើមអាជីពជាមួយក្លិប RC Lens តែចំណាយពេលត្រឹមមួយរដូវកាល មុនពេលផ្លាស់ទៅ Real Madrid នៅឆ្នាំ 2011។ រយៈពេល 10 ឆ្នាំនៅរដ្ឋធានីអេស្ប៉ាញ Raphael Varane បានឈ្នះជើងឯកសរុប 18 ពានដែលបូករួមទាំង La Liga 3 លើក UEFA Champions League 4 លើក។ ក្រោយមក Varane ក៏បានផ្លាស់មកកាន់ Manchester United នៅឆ្នាំ 2021 ក្នុងតម្លៃផ្ទេរ 34 លានផោន បង្ហាញខ្លួនសរុប 95 លើកឈ្នះជើងឯក Carabao Cup នៅឆ្នាំ 2022 ខណៈការបង្ហាញខ្លួនចុងក្រោយបំផុតរដូវកាលមុនគឺពេល Manchester United យកឈ្នះ Manchester City លើកពាន FA Cup។ ជាមួយក្រុមជម្រើសបារាំង Varane បង្ហាញខ្លួនដំបូងនៅឆ្នាំ 2013 សរុប 93 ប្រកួតឈ្នះជើងឯក World Cup 2018 នៅរុស្ស៊ី Nations League 2021 និងឡើងវគ្គផ្តាច់ព្រ័ត្រ World Cup ម្តងទៀតនៅឆ្នាំ 2022៕