វិលមកទីលានមិនបានប៉ុន្មាន Reece James របួសសសៃពួរម្តងទៀត ពេលហ្វឹកហាត់

ប្រធានក្រុមតោខៀវ Chelsea, Reece James បានរងរបួសសសៃពួរម្តងទៀត អំឡូងពេលហ្វឹកហាត់ នេះបើតាមការបញ្ជាក់របស់អ្នកចាត់ការ Enzo Maresca។ កីឡាករវ័យ 24 ឆ្នាំរូបនេះ បានអវត្តមានស្ទើពេញមួយរដូវកាលមុនក៏ដោយសាររបួសសសៃពួរដែលត្រូវការវះកាត់ មុនពេលត្រលប់មកទីលានវិញកាលពីខែមុន។

អានព៌ត័មានកីឡាអន្តរជាតិផ្សេងៗទៀត

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

យ៉ាងណាក្តីលោក Maresca ថា នេះមិនមែនជារបួសធ្ងន់ធ្ងរឡើយ ក៏មិនត្រូវសម្រាករយៈពេលវែងដែរ តែច្បាស់ណាស់នឹងអវត្តមានការប្រកួតចុងសប្តាហ៍នេះទល់នឹង Leicester City។ រំលឹកថា Reece James បានរបួសមិនក្រោម 10 ដងទេពាក់ព័ន្ធនឹងជង្គង់ ភ្លៅ និងកជើង ក៏ដូចជាការអវត្តមានដោយសារជំងឺថែមទៀត។

ក្រៅពី Reece James កីឡាករសំខាន់ៗផ្សេងៗទៀតសុទ្ធតែគ្មានបញ្ហាទោះបីមិនបានចូលរួមជាមួយក្រុមជម្រើសជាតិរបស់ពួកគេនាពេលកន្លងមករួមមាន Cole Palmer, Levi Colwill, Wesley Fofana, Malo Gusto និង Romeo Lavia។ ដោយឡែកសម្រាប់ Moises Caicedo និង Enzo Fernandez មិនទាន់ច្បាស់ 100% នៅឡើយ។

Chelsea កំពុងឈរលេខ 3 នៅ Premier League រដូវកាលនេះមាន 19 ពិន្ទុដេញពីក្រោយ Manchester City 4 ពិន្ទុ និង Liverpool កំពូលតារាង 9 ពិន្ទុ៕