U20 កម្ពុជាត្រូវការឈ្នះបារ៉ែនដាច់ខាត ដើម្បីបន្តក្ដីរំពឹងទៅជុំផ្ដាច់ព្រ័ត្រ

ក្រុមជម្រើសជាតិអាយុក្រោម 20ឆ្នាំកម្ពុជា នឹងបន្ដជួបក្រុមជម្រើសជាតិ U20 បារ៉ែន នាម៉ោង 6ល្ងាច(ម៉ោងនៅកម្ពុជា) ថ្ងៃទី25 ខែកញ្ញា ឆ្នាំ2024 នេះ ក្នុងការប្រកួតជម្រុះជើងឯកយុវជនអាយុក្រោម 20ឆ្នាំទ្វីបអាស៊ី ឆ្នាំ2025 (AFC U20 Asian Cup 2025) នាកីឡដ្ឋាន Fu Jen Catholic University នៃកោះឆាយនីសតៃប៉ិ ។

អានព៌ត័មានកីឡាអន្តរជាតិផ្សេងៗទៀត

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

នេះគឺជាការប្រកួតទី3 ក្នុងពូលB ហើយក៏ជាការប្រកួតដ៏សំខាន់ ដែលក្រុមគោព្រៃជំទង់កម្ពុជា ត្រូវការឈ្នះដាច់ខាត ដើម្បីរក្សាក្ដីសង្ឃឹមក្នុងការស្វែងរកកៅអីវគ្គបន្ដផងដែរ បន្ទាប់ពីឆ្លងកាត់ 2ប្រកួតឈ្នះ 1 និងចាញ់ 1 រួចមក ។

លោក Koji Gyotoku គ្រូបង្វឹកក្រុមជម្រើសជាតិ U20 កម្ពុជា ធ្លាប់បានលើកឡើងថា បន្ទាប់ពីអ៊ូសបេគីស្ថាន ដែលឈរលេខរៀងទី60 នៃចំណាត់ថ្នាក់ពិភពលោក បារ៉ែន ក៏ជាក្រុមខ្លាំង ដែលមានកម្រិតលើកម្ពុជា ក្នុងពូលនេះដែរ ។ បែបនេះក្ដីលោកសង្ឃឹមថា កូនក្រុមនឹងព្យាយាមឲ្យអស់ពីសមត្ថភាព ដើម្បីឆ្លងឲ្យផុតវគ្គជម្រុះក្នុងពូល

គួរដឹងថា បច្ចុប្បន្នក្រុមយុវជន U20 កម្ពុជា កំពុងឈរលេខ2 ក្នុងពូល ដោយរកបាន 3ពិន្ទុ ក្រោយប្រកួតទី1 ឈ្នះនេប៉ាល់ 4-1 និងប្រកួតទី2 ចាញ់អ៊ូសបេគីស្ថាន 7-0 ។ កម្ពុជានៅសល់ 2ប្រកួតក្នុងដៃ ដែលត្រូវការឈ្នះដាច់ខាត ដើម្បីអ៊ុតមើលឱកាសប្រជែងកៅអីវគ្គបន្ដ ។ 2ប្រកួតចុងក្រោយនោះ គឺត្រូវជួបបារ៉ែន នាល្ងាចថ្ងៃពុធននេះ នឹងត្រូវជួបក្រុមម្ចាស់ផ្ទះឆាយនីសតៃប៉ិ នាថ្ងៃទី29 ខែកញ្ញាខាងមុខ ៕