Spurs ខ្ចីជើង Timo Werner ពី RB Leipzig រហូតចប់រដូវកាល

ខ្សែប្រយុទ្ធអាល្លឺម៉ង់ Timo Werner បានឈានដល់កិច្ចព្រមព្រៀងហើយក្នុងការត្រលប់មកកាន់ទឹកដីអង់គ្លេសវិញដោយចូលរួមជាមួយក្លិបបាល់ទាត់ Tottenham Hotspur ក្នុងកិច្ចសន្យាខ្ចី។

កីឡាករវ័យ 27 ឆ្នាំរូបនេះ នឹងត្រូវរ៉ាប់រងប្រាក់ឈ្នួលទាំងស្រុងដោយក្លិបនៅទីក្រុងឡុងដ៍ក្នុងកិច្ចសន្យាខ្ចីដល់ចប់រដូវកាល អមជាមួយ

ជម្រើសទិញផ្តាច់។ Timo Werner ធ្លាប់មានបទពិសោធនៅ Premier League រួចមកហើយជាពិសេសនៅក្នុងទីក្រុងឡុងដ៍នៅពេលផ្លាស់ពី Leipzig នៅឆ្នាំ 2020 ក្នុងតម្លៃ 45 លានផោនមកកាន់តោខៀវ Chelsea។

ខ្សែប្រយុទ្ធអាល្លឺម៉ង់រូបនេះ បង្ហាញខ្លួនបាន 89 ប្រកួតរកបាន 23 គ្រាប់ឱ្យ Chelsea តែក៏ត្រលប់ទៅកាន់ Leipzig វិញនៅឆ្នាំ 2022។ រដូវកាលនេះ Werner បង្ហាញខ្លួនបាន 14 លើករកបាន 2 គ្រាប់ឱ្យ Leipzig។

Spurs កំពុងស្វែងរកកីឡាករនៅតំបន់ប្រយុទ្ធ ស្របពេលដែល Heung-min Son ជាប់កាតព្វកិច្ចជាមួយក្រុមជម្រើសជាតិកូរ៉េនៅ AFC Asian Cup រយៈពេល ១ ខែពេញ។

Spurs នឹងត្រូវទៅទឹកដី Manchester United នៅថ្ងៃអាទិត្យចុងសប្តាហ៍នេះក្របខណ្ឌ Premier League៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com