ចប់! Ivan Perisic ត្រូវសម្រាក 1រដូវកាល ដោយសារដាច់សសៃពួរជង្គង់ត្រូវសម្រាកពេញមួយរដូវកាល

ខ្សែបម្រើ Tottenham Hotspur, Ivan Perisic នឹងត្រូវវះកាត់ បន្ទាប់ពីរងរបួសអំឡុងការហ្វឹកហាត់ដល់ដាច់សសៃពួរជង្គង់ខាងស្តាំ ដែលនឹងត្រូវសម្រាកពេញមួយរដូវកាលនេះ នេះបើតាមការបញ្ជាក់របស់ក្លិបនៅ Premier League មួយនេះ។ ប្រភពដដែលបានឱ្យដឹងថា អតីតកីឡាកររបស់ Inter Milan រូបនេះនឹងត្រូវទទួលការ

វះកាត់នៅទីក្រុងឡុងដ៍សប្តាហ៍នេះ។ កីឡាករវ័យ 34 ឆ្នាំរូបនេះបង្ហាញខ្លួនឱ្យ Spurs បាន 6 ប្រកួតគ្រប់ក្របខណ្ឌរដូវកាលនេះ ប៉ះបញ្ជូនឱ្យមានគ្រាប់បាល់ពីរលើក។ Ivan Perisic បានមកដល់ Spurs ពី Inter Milan នៅឆ្នាំ 2022 ជាមួយនឹងកិច្ចសន្យា 2 ឆ្នាំ ពោលគឺកិច្ចសន្យានឹងអស់សុពលភាពដំណាច់រដូវកាលថ្មីនេះ។

Spurs បច្ចុប្បន្នមិនទាន់ចាញ់ឡើយនៅ Premier League ក្រោយលេងបាន 5 ប្រកួតឈ្នះ 4 និងស្មើ 1 ឈរលេខ 2 ក្នុងតារាងក្រោមការដឹកនាំរបស់អ្នកចាត់ការថ្មីលោក Ange Postecoglou។

រំលឹកថា Ivan Perisic គឺជាជ័យលាភីឈ្នះជើងឯក UEFA Champions League ជាមួយនឹង Bayern Munich នៅឆ្នាំ 2020 និង ជាសមាជិករបស់ Inter Milan ឈ្នះជើងឯកអ៊ីតាលី Serie A នៅឆ្នាំ 2021៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com