វាសនាអ្នកចាត់ការ West Ham លោក Lopetegui នឹងដឹងនៅចុងសប្តាហ៍នេះ

ដែលធ្វើឱ្យមានការកោះប្រជុំចុងសប្តាហ៍នេះជុំវិញដំណើរការរបស់ក្រុម។

មកកាន់តំណែងជាមួយនឹងកិច្ចសន្យា 2 ឆ្នាំបន្តពីលោក David Moyes កាលពីរដូវក្តៅកន្លងទៅ អតីតអ្នកចាត់ការអេស្ប៉ាញ និង Real Madrid រូបនេះ ត្រូវបានអ្នកគាំទ្ររពឹងខ្ពស់នៅពេលមកដល់ West Ham។

West Ham ក្រោយមក ក៏បានចំណាយលុយប្រមាណ 120 លានផោន នាំយកកីឡាករថ្មី 9 នាក់ ក្លិបដែលមានមូលដ្ឋាននៅទីក្រុងឡុងដ៍មួយនេះសង្ឃឹមថាលោក Lopetegui នឹងអាចនាំក្រុមទៅកាន់ការប្រកួតក្របខណ្ឌអឺរ៉ុបឡើងវិញ ក្រោយអវត្តមានរដូវកាលមុនជាលើកដំបូងក្នុងរយៈពេល 4 ឆ្នាំ។

យ៉ាងណាក្តី ខ្សែប្រយុទ្ធចំណូលថ្មីអាល្លឺម៉ង់តម្លៃ 27 លានផោន Niclas Fullkrug នៅមិនទាន់ជាប់ជម្រើស 11 នាក់ម្តងនៅឡើយនៅ Premier League ខណៈដែល កីឡាករវ័យក្មេងប្រេស៊ីល Luis Guilherme តម្លៃ 25.5 លានផោនចូលលេងបានត្រឹម 11 នាទីប៉ុណ្ណោះជាកីឡាករបម្រុងផ្លាស់ប្តូរចូលពីរលើក រួមជាមួយនឹងកីឡាករចំនូលថ្មីផ្សេងទៀត ដែលធ្លាក់ចុះទម្រង់លេងដូចជា Crysencio Summerville ជាដើម។

West Ham គិតមកដល់ពេលនេះ រកបានជ័យជំនះមួយប្រកួតប៉ុណ្ណោះក្នុង 5 ប្រកួតចុងក្រោយ ពោលគឺឈ្នះចុងក្រោយបំផុតលើ Manchester United កាលពីថ្ងៃទី 27 ខែតុលាដែលឈានដល់ការដកតំណែងលោក Erik ten Hag។

West Ham កំពុងឈរលេខ 14 នៅ Premier League ក្រោយលេងបាន 14 សប្តាហ៍ ហើយនឹងត្រូវទទួល Wolverhampton នៅយប់ថ្ងៃចន្ទសប្តាហ៍ក្រោយ៕