Tag Archives: Benzema

ខ្សែ​​ប្រយុទ្ធ Karim Benzema របស់​ក្លិប Real Madrid ត្រូវ​បាន​បញ្ចូល​ឈ្មោះ​ក្នុងក្រុម​ជម្រើស​ជាតិ​បារាំង សម្រាប់​ព្រឹត្តិការណ៍ Euro ឆ្នាំ​2020 ក្រោយពី​អវត្តមាន​ជិត​៥ឆ្នាំ​ ខណៈ​ដែល​នេះ​គឺ​ជា​ការ​សម្រេចចិត្ត​ដ៏គួរ​ឲ្យ​ភ្ញាក់​ផ្អើល​មួយ ពី​គ្រូបង្វឹក​លោក Didier Deschamps កាលពីថ្ងៃ​អង្គារ​។

ក្រុម Real Madrid បាន​តាមស្មើ​ពិន្ទុ​ជា​មួយនឹង​គូ​ប្រជែង​ស្ថិតក្នុង​ទីក្រុង​តែ​១ Atletico Madrid នៅ​លើ​កំពូល​តារាងនៃក្រប​ខ័ណ្ឌ La Liga ក្រោយី​បានយក​ឈ្នះ​ក្នុងលទ្ធ​ផល ៣-០ នៅ​លើ​ទឹកដីក្រុម Cadiz នៅ​ក្នុង​សប្តាហ៍ ដែល​បាំង​បិទដោយ​ការ​ប្រកាស និង​ការ​ដួល​រលំ​នៃ​​គម្រោង​​បង្កើត​ពាន European Super League កាលពីថ្ងៃពុធ​។ មាន​អ្នក​គាំទ្រ​ជាច្រើន​តវ៉ា​នៅ​ខាង​ក្រៅកីឡដ្ឋាន ដើម្បី​ប្រឆាំង​នឹង​គម្រោង​បង្កើត​លីកថ្មី​ ដែលក្រុម Real មាន​បំណង​ចូល​រួម​ប្រកួត​។