Spurs នាំយកអ្នកចាំទី Antonin Kinsky ពីក្លិបឆេក Slavia Prague

ក្លិបបាល់ទាត់ Tottenham Hotspur បានចុះហត្ថលេខានាំយកអ្នកចាំទីវ័យ 21 ឆ្នាំសញ្ជាតិឆេក Antonin Kinsky ក្នុងតម្លៃ 12.5 លានផោនពីក្លិបឆេក Slavia Prague។ ​ក្រុមដែលមានមូលដ្ឋាននៅទីក្រុងឡុងដ៍មួយនេះ មិនមានអ្នកចាំទីដៃទីមួយ Guglielmo Vicario ដែលមានរបួសបាក់កជើងតាំងពីថ្ងៃទី 24 ខែវិច្ឆិកាអំឡុង

ជ័យជំនះ 4-0 លើ Manchester City។

​Fraser Forster ជាអ្នកជំនួស ប៉ុន្តែវិបត្តិអ្នកចាំទីនៅ Spurs កាន់តែជ្រៅបន្ទាប់កីឡាករអង់គ្លេសរូបនេះអវត្តមានពីការប្រកួតកាលពីថ្ងៃសៅរ៍ដោយសារជំងឺ ហើយត្រូវដាក់អ្នកចាំទីដៃទីបីវ័យ 25 ឆ្នាំ Brandon Austin។

​Spurs ឈ្នះតែពីរប្រកួតប៉ុណ្ណោះក្នុងចំណោម 11 ប្រកួតចុងក្រោយ និងចុងក្រោយបំផុតចាញ់ Newcastle 2-1 ធ្លាក់ដល់លេខ 12 នៅ Premier League។
​
សូមបញ្ជាក់ថា អ្នកចាំទីថ្មី Antonin Kinsky បានចុះហត្ថលេខាជាមួយ Spurs ដល់ឆ្នាំ 2031។

​បន្ទាប់ពីផ្លាស់ពី Dukla Prague នៅឆ្នាំ 2021 Antonin Kinsky បានចំណាយពេលខ្ចីនៅ Slavia មុនផ្លាស់ផ្តាច់។
​កីឡាកររបស់ក្រុមយុវជនអាយុក្រោម 21 ឆ្នាំឆេករូបនេះ បានបង្ហាញខ្លួនឱ្យ Slavia Prague 24 ប្រកួត រក្សាសំណាញ់ទី Clean sheet បាន 19 ប្រកួត៕