Robbie Kean ទទួល​តំណែង​អ្នក​ចាត់ការ​ក្លិបហុងគ្រី Ferencvaros

អតីតខ្សែប្រយុទ្ធ Tottenham Hotspur, Robbie Keane ត្រូវបានតែងតាំងជាអ្នកចាត់ការនៃក្លិបបាល់ទាត់ហុងគ្រី Ferencvaros។ Robbie Keane ដែលកាន់កំណត់ត្រាបង្ហាញខ្លួន និងស៊ុតបញ្ចូលទីច្រើនជាងគេឱ្យក្រុមជម្រើសជាតិសាធារណរដ្ឋអៀកឡង់នោះ បានចាកចេញពីក្លិបអ៊ីស្រាអែល Maccabi Tel Aviv

កាលពីខែមិថុនាឆ្នាំមុនក្រោយដឹកនាំបានមួយឆ្នាំ។

អតីតខ្សែប្រយុទ្ធ Spurs និង Liverpool រូបនេះ បានដឹកនាំ Maccabi Tel Aviv ឈ្នះជើងឯកលីគកំពូលអ៊ីស្រាអែល និង League Cup ក៏ដូចជាឈានដល់វគ្គ 16 ក្រុមចុងក្រោយ Europa Conference League។

Robbie Keane បានចាប់ផ្តើមអាជីពជាអ្នកចាត់ការ/គ្រូបង្វឹកនៅឆ្នាំ 2018 នៅពេលដឹកនាផងជាកីឡាករនៅក្លិបបាល់ទាត់ឥណ្ឌា ATK។ ក្រោយមកក៏បានចំណាយពេលជាជំនួយការគ្រូបង្វឹកក្រុមជម្រើសជាតិអៀកឡង់ Middlesbrough និង Leeds។

បុរសវ័យ 44 ឆ្នាំរូបនេះ បានមកជំនួសតំណែងបុរសសញ្ជាតិហូឡង់ Pascal Jensen ដែលចាកចេញទៅដឹកនាំ New York City FC សប្តាហ៍មុន។ Ferencvaros បច្ចុប្បន្នកំពុងឈរលេខ 2 នៅលីគកំពូលហុងគ្រី និងលេខ 16 នៅ Europa League៕