គ្រូព្រះខ័នរាជ មោទនភាពចំពោះសមិទ្ធិផល តែថានឹងបំពេញបន្ថែមឱ្យកាន់តែប្រសើរ

លោក Pep Munoz គ្រូបង្វឹកក្រុមព្រះខ័នរាជស្វាយរៀង បានបង្ហាញនូវមោទនភាពចំពោះកូនក្រុម បន្ទាប់ពីខំប្រឹងប្រយុទ្ធលើទីលានពេញ 90នាទី ដើម្បីយកឈ្នះក្រុមម្ចាស់ផ្ទះ Terengganu FC របស់ម៉ាឡេស៊ី ដោយលទ្ធផល 3-2 ក្នុងជំនួបដំបូង នៃការប្រកួតជើងឯកក្លិបបាល់ទាត់អាស៊ាន (ASEAN Club Championship Shopee

អានព៌ត័មានកីឡាក្នុងស្រុកផ្សេងៗទៀត

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

Cup 2024/25) ពូលA កាលពីរាត្រីថ្ងៃពុធកន្លងទៅ។

ថ្លែងក្នុងសន្និសីទសារព័ត៌មាន ក្រោយចប់ការប្រកួតលោក Pep ថា ក្រុមរបស់ខ្លួន បានបង្ហាញពីការលេងដ៏ល្អមួយកម្រិតទៀត ទល់នឹងក្រុមដ៏ធំរបស់ម៉ាឡេស៊ី ជាមួយការព្យាយាមលេងតាំងពីនាទីដំបូង ទោះបីមានការខកខានឱកាសរកគ្រាប់បាល់ជាច្រើនក៏ដោយ ។ តែជារួមលោកមានមោទនភាពចំពោះកូនក្រុម ដែលនាំមកនូវជ័យជម្នះជូនក្រុម និងអ្នកគាំទ្រ ហើយលោកនឹងព្យាយាមកែលម្អបន្ថែមទៀត ដើម្បីក្លាយជាក្រុមមួយដ៏ល្អ ។ 

ចំណែកខ្សែការពារ Takashi Odawara វិញ ក៏មានមោទនភាពជាមួយក្រុមដូចគ្នា ទោះបីពេលខ្លះក្រុមខ្លួន បានបង្កើតកំហុសក៏ដោយ ។ យ៉ាងណាកីឡាករជនជាតិជប៉ុនរូបនេះ ពេញចិត្តចំពោះការខំប្រឹងលេងក្រៅដី ហើយបានយកឈ្នះគូប្រកួតដ៏ល្អបែបនេះ ។ 

គួរដឹងថា 1ខែក្រោយ បន្ទាប់ពីយកឈ្នះក្រុម Terengganu  FC ព្រះខ័នរាជស្វាយរៀង នឹងត្រូវបន្ដការប្រកួតទី២ ក្រៅដី ដោយត្រូវជួបក្រុមលំដាប់កំពូលថៃ BG Pathum United នាថ្ងៃទី25 ខែកញ្ញា ខណៈប្រកួតដំបូងក្រុមយក្សថៃនេះ បានប្រកួតស្មើក្រុមម្ចាស់ផ្ទះ PSM Makassar របស់ឥណ្ឌូនេស៊ី ០-០ កាលពីយប់មិញ ។ រីឯ 3ប្រកួតទៀតរបស់ក្រុមជើងឯកលីគកំពូលកម្ពុជានេះ នឹងត្រូវប្រកួតនាដើមឆ្នាំក្រោយ ជាមួយក្រុម PSM Makassar ក្រុម Dong A Thanh Hoa FC របស់វៀតណាម និងក្រុម Shan United មីយ៉ាន់ម៉ា ៕