Man City ចាញ់បណ្ដឹង Benjamin Mendy ត្រូវសងប្រាក់ខែជាង 11 លានផោន

អតីតខ្សែបម្រើ Manchester City, Benjamin Mendy បានទទួលជ័យជំនះក្នុងរឿងក្តីទល់នឹងអតីតក្លិបរបស់ខ្លួន ដោយនឹងទទួលបានប្រាក់ឈ្នួលមួយចំនួនធំដែលក្លិបមិនបានផ្តល់ឱ្យមកវិញ។ Man City ក៏មិនបានផ្តល់ប្រាក់ឈ្នួលដែរអំឡុងពេលព្យួរការងារឡើយ នៅពេល Mendy ស្ថិតក្រោមការចោទប្រកាន់ពីបទរំលោភបំពាន

អានព៌ត័មានកីឡាអន្តរជាតិផ្សេងៗទៀត

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

ផ្លូវភេទ។ ខ្សែការពារសញ្ជាតិបារាំងរូបនេះ បានប្តឹងតវ៉ាទាមទារប្រាក់ឈ្នួល 11.5 លានផោនដែលមិនទាន់ទទួលបានពី City នៅពេលគេរងការចោទប្រកាន់កាលពីខែសីហាឆ្នាំ 2021។ កីឡាករវ័យ 30 ឆ្នាំរូបនេះ បានដោះស្រាយរួចរាល់ចំពោះវិវាទ និងដាច់ស្រឡះពីការចោទប្រកាន់កាលពីឆ្នាំ 2023។

ក្លឹបបានបន្តបើកប្រាក់ឈ្នួលដល់ Mendy បន្ទាប់ពីការចាប់ខ្លួនលើកដំបូងក្នុងខែវិច្ឆិកា ឆ្នាំ 2020 ប៉ុន្តែបានប្រកែកថា ពួកគេមិនចាំបាច់បើកប្រាក់ឈ្នួលទៀត បន្ទាប់ពី Mendy ត្រូវបានចោទប្រកាន់ ក្នុងលក្ខខណ្ឌនៃការនៅក្រៅឃុំ ហើយរារាំងគាត់ពីការចូលទៅជិតកីឡដ្ឋាន ឬកន្លែងហ្វឹកហាត់របស់ក្លឹប ហើយការព្យួររបស់ FA មានន័យថា Mendy មិនអាចបំពេញកាតព្វកិច្ចតាមកិច្ចសន្យារបស់ខ្លួនបានទេ។

រំលឹកថា Benjamin Mendy បានចូលរួមជាមួយ Manchester City នៅឆ្នាំ 2017 ផ្ទេរពី Monaco ក្នុងតម្លៃ 52 លានផោន និងឈ្នះជើងឯក Premier League ជាមួយ City នៅឆ្នាំ 2018 2017 និង 2021 មុនពេលកិច្ចសន្យាអស់សុពលភាពនៅខែមិថុនាឆ្នាំ 2023 ហើយបច្ចុប្បន្នកំពុងប្រកបអាជីពនៅក្លិបបារាំង Lorient៕