U20 កម្ពុជាចាញ់អ៊ូបេគីស្ថាន 7-0 តែនៅសល់ 2ប្រកួតទៀត ដើម្បីបន្តក្ដីរំពឹង

ក្រុមជម្រើសជាតិអាយុក្រោម 20ឆ្នាំកម្ពុជា បានរងបរាជ័យលើកដំបូង ក្នុងការប្រកួតជម្រុះជើងឯកយុវជនអាយុក្រោម 20ឆ្នាំទ្វីបអាស៊ី ឆ្នាំ2025 (AFC U20 Asian Cup 2025) ក្រោមថ្វីជើងក្រុមខ្លាំង U20 អ៊ូសបេគីស្ថាន ក្នុងលទ្ធផល 7-0 នៅរសៀលថ្ងៃទី23 ខែកញ្ញា ឆ្នាំ2024 នាកីឡដ្ឋាន Fu Jen Catholic University

អានព៌ត័មានកីឡាអន្តរជាតិផ្សេងៗទៀត

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

នៃកោះឆាយនីសតៃប៉ិ ។

សម្រាប់ការប្រកួតទី2 ក្នុងពូលB នេះ ក្រុមយុវជនកម្ពុជា ធ្វើមិនបានល្អដូចការប្រកួតបើកឆាកឡើយ ដោយវគ្គទី1 បានរបូត 3គ្រាប់ មុនក្រុមជម្រើសជាតិ U20 អ៊ូបេគីស្ថាន បន្ថែម 4គ្រាប់ទៀត នៅវគ្គទី2 ដើម្បីធានាបាននូវ 3ពិន្ទុ និងជាជ័យជម្នះលើកដំបូងរបស់ខ្លួន សម្រាប់ការប្រកួតជម្រុះពានរង្វាន់យុវជនប្រចាំទ្វីបអាស៊ីនេះ ហើយបានឡើងឈរកំពូលតារាងបណ្ដោះអាសន្នផងដែរ ។

ចំពោះក្រុមគោព្រៃជំទង់កម្ពុជា ទោះបីរបូត 3ពិន្ទុក៏ពិតមែន ក៏ប៉ុន្ដែកម្ពុជា នៅតែមានក្ដីសង្ឃឹម ក្នុងការប្រជែងកៅអីវគ្គបន្ដ ដ្បិតនៅសល់ 2ប្រកួតក្នុងដៃ ដែលទាមទារឈ្នះដាច់ខាត ដើម្បីអ៊ុតឱកាសឡើងវគ្គបន្ដក្នុងព្រឹត្តិការណ៍នេះ ។ ២ប្រកួតចុងក្រោយរបស់ក្រុម U20 កម្ពុជា នឹងត្រូវជួបក្រុម U20 បារ៉ែន នាថ្ងៃទី25 ខែកញ្ញា និងចុងក្រោយត្រូវជួបក្រុមម្ចាស់ផ្ទះឆាយនីសតៃប៉ិ នាថ្ងៃទី29 ខែកញ្ញាខាងមុខ ៕