កម្ពុជា​ស្មេីស្រីលង្កា 0-0​ ស្របពេលអ្នកគាំទ្របង្ហេីរពាក្យរិះគុនពីគុណភាពក្រុម

ក្រុមបាល់ទាត់ជម្រើសជាតិកម្ពុជា បានប្រកួតស្មើក្រុមម្ចាស់ផ្ទះស្រីលង្កា 0-0 នៅក្នុងជំនួបជើងទី1 នៃវគ្គជម្រុះពានរង្វាន់ប្រចាំទ្វីបអាស៊ី AFC Asian Cup Saudi Arabia 2027 កាលពីល្ងាចថ្ងៃទី05 ខែកញ្ញា ឆ្នាំ2024 នៅកីឡដ្ឋាន Racecourse International នាទីក្រុង Colombo ។ ការប្រកួតក្រៅដីនេះ ក្រុមម្ចាស់ផ្ទះស្រីលង្កា

អានព៌ត័មានកីឡាក្នុងស្រុកផ្សេងៗទៀត

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

ដែលប្រជុំដោយកីឡាករកោះហៅពីអឺរ៉ុប បានព្យាយាមដាក់សម្ពាធខ្លាំងលើក្រុមគោព្រៃកម្ពុជា តាំងពីវគ្គទី1 រហូតដល់វគ្គទី2 តែមិនអាចស្វែងរកគ្រាប់បាល់ឡើយ ទោះបីកីឡាករពួកគេមានកាយសម្បទាអំណោយផលជាងកម្ពុជាក៏ដោយ ។ ចំណែកក្រុមជម្រើសជាតិកម្ពុជា បន្ទាប់ពីមានការផ្លាស់ប្ដូរកីឡាករមួយចំនួននៅចុងវគ្គទី2 ពិសេសសមាជិកក្លិបព្រះខ័នរាជស្វាយរៀង មិន រតនៈ, គឹម សុខយុទ្ធ និង ញាណ សុស៊ីដាន បានបង្កើតឱកាសវាយបកគួរឲ្យកត់សម្គាល់នៅចុងម៉ោង តែក៏មិនអាចទម្លាយរបាំងការពារក្រុមម្ចាស់ផ្ទះបានដែរ រហូតត្រូវបានអាជ្ញាកណ្ដាលផ្លុំកញ្ចែបញ្ចប់ការប្រកួតក្នុងលទ្ធផលស្មើគ្នា 0-0 តែម្ដង ។ ទន្ទឹមជាមួយការទទួលបានលទ្ធផលស្មើគ្នាក្រៅដីនេះ អ្នកគាំទ្រក្រុមគោព្រៃកម្ពុជា ហាក់មិនសូវសប្បាយចិត្តនោះទេ ពិសេសទម្រង់លេង នៅមិនសូវមុតស្រួច ។ យ៉ាងណាមិញពួកគេសង្ឃឹមថា នៅជើងទី2 ក្រោមការដឹកនាំរបស់លោក Felix Dalmas កម្ពុជានឹងព្យាយាមធ្វើបានល្អប្រសើរលើទឹកដីរបស់ខ្លួន ដើម្បីប្រជែងកៅអីវគ្គបន្ដ នៃពានរង្វាន់ប្រចាំទ្វីបអាស៊ី ឆ្នាំ2027 នេះ ។ ក្រោយចប់ការប្រកួតក្រុមជម្រើសជាតិកម្ពុជា នឹងត្រូវត្រឡប់មកមាតុភូមិវិញ ដើម្បីត្រៀមបើកទ្វារពហុកីឡដ្ឋានជាតិ(អូឡាំពិក) ស្វាគមន៍ក្រុមជម្រើសជាតិស្រីលង្កា ក្នុងជំនួបជើងទី2 វិញ នាថ្ងៃទី10 ខែកញ្ញាខាងមុខ ដើម្បីកាត់សេចក្ដីរកក្រុមឈ្នះឡើងទៅវគ្គបន្ដ ៕