កម្ពុជាប៉ះទីម័រខាងកើត វគ្គ ½ ផ្ដាច់ព្រ័ត្រ AFF Women’s Cup ថ្ងៃនេះ

ក្រុមបាល់ទាត់ជម្រើសជាតិនារីកម្ពុជា នឹងត្រូវជួបក្រុមជម្រើសជាតិនារី ក្នុងវគ្គពាក់កណ្ដាលផ្ដាច់ព្រ័ត្រ នៃការប្រកួតបាល់ទាត់នារីជើងឯកអាស៊ីអាគ្នេយ៍ (AFF Women’s Cup 2024) នារសៀលថ្ងៃទី02 ខែធ្នូ ឆ្នាំ2024 នេះ នៅពហុកីឡដ្ឋានជាតិឡាវថ្មី នាទីក្រុងវៀងចន្ទន៍ ប្រទេសឡាវ ។

អានព៌ត័មានកីឡាក្នុងស្រុកផ្សេងៗទៀត

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

គួរដឹងថា មុនឡើងមកដល់វគ្គដ៏សំខាន់នេះ ក្រុមបាល់ទាត់នារីកម្ពុជា ធ្វើបានយ៉ាងល្អក្នុងវគ្គចែកពូល ក្រោមការដឹកនាំរបស់លោក ឃួន ឡាបូរ៉ាវី ដោយបានប្រកួតស្មើឥណ្ឌូនេស៊ី ០-០ មុនយកឈ្នះម៉ាឡេស៊ី 2-0 ដើម្បីឈរកំពូលតារាងពូល B ដោយរកបាន 4ពិន្ទុ ។ រីឯទីម័រខាងកើត ឈរលេខ2 ក្នុងពូលA ដោយរកបាន 2ពិន្ទុប៉ុណ្ណោះ ក្រោយប្រកួតស្មើសិង្ហបុរី និងម្ចាស់ផ្ទះឡាវ ។

ថ្លែងក្នុងសន្និសីទសារព័ត៌មាន មុនជួបទីម័រខាងកើត នារសៀលនេះ លោក ឃួន ឡាបូរ៉ាវី គ្រូបង្វឹកក្រុមជម្រើសជាតិនារីកម្ពុជា បានសម្ដែងក្ដីរីករាយ ដែលបានឡើងមកកាន់វគ្គពាក់កណ្ដាលផ្ដាច់ព្រ័ត្រ បន្ទាប់ពីការខិតខំប្រឹងប្រែងយ៉ាងខ្លាំងរបស់កូនក្រុម ដើម្បីបង្កើតប្រវត្តិសាស្ដ្រថ្មីនេះ ។ អ្វីដែលពិសេស ក្រុមទាំងមូល គឺបានតាំងចិត្ត ក៏ដូចជាបានដាក់គោលដៅជាស្រេច ដើម្បីដណ្ដើមពាននេះផងដែរ ។

តាមរយៈនេះ លោក និងក្រុមបានធ្វើការប្ដេជ្ញាចិត្ត នឹងធ្វើឲ្យបានល្អក្នុងការប្រកួតជាមួយក្រុមជម្រើសជាតិនារីទីម័រខាងកើត ដើម្បីទទួលបានជ័យជម្នះ និងឡើងទៅវគ្គផ្ដាច់ព្រ័ត្រ ហើយក៏សង្ឃឹមថា នឹងទទួលបានការគាំទ្រ និងការលើកទឹកចិត្តច្រើនពីសំណាក់អ្នកគាំទ្រកម្ពុជាផងដែរ ។

គួរដឹងថា ក្រៅពីកម្ពុជា ប៉ះទីម័រខាងកើត ក៏នឹងមានការប្រកួតវគ្គពាក់កណ្ដាលផ្ដាច់ព្រ័ត្រ 1គូទៀតដែរ នៅរាត្រីថ្ងៃច័ន្ទនេះ ដោយក្រុមសិង្ហបុរី ត្រូវជួបឥណ្ឌូនេស៊ី ខណៈក្រុមឈ្នះ នឹងត្រូវឡើងទៅជួបគ្នានៅវគ្គផ្ដាច់ព្រ័ត្រ នាថ្ងៃទី05 ខែធ្នូ ឆ្នាំ2024 ខាងមុខ ដើម្បីដណ្ដើមជើងឯកពានរង្វាន់ AFF Women’s Cup 2024 ៕