ព្រះខ័នរាជវាយបកយកឈ្នះ Young Elephant ដោយថ្វីជើងកីឡាករចំណូលថ្មី 2រូប

ព្រះខ័នរាជស្វាយរៀងបានបើកយុទ្ធនាការប្រកួតជើងឯកក្លិបកំពូលអាស៊ាន 2024 (Shopee Cup) ដោយផ្តើមចេញពីការប្រកួតជម្រុះ Play-off ទល់នឹងក្លឹបជើងឯកលីគកំពូលឡាវ ថ្ងៃទី17 ខែកក្កដានៅពហុកីឡដ្ឋានជាតិ។

ជំនួបជើងទី1នេះ លេងបានមិនដល់19នាទីផង ព្រះខ័នរាជស្វាយរៀង បើកការនាំមុខពីការទាត់បញ្ចូលទីរបស់កីឡាករ

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

ប្រេស៊ីល Gabriel Silva ពេលដែលកីឡាករជប៉ុន Takashi Odawara បញ្ជួនបាល់ឱ្យ។ នៅនាទីទី32 ក្លិប Young Eelphants តាមស្មើ ដោយបាល់ពិន័យ11ម៉ែត្រ របស់កីឡាករ Takumu Nishihara បន្ទាប់ពីកីឡាករសារ៉េត គ្រីយ៉ាធ្វើឱ្យមានកំហុសលើកីឡាករ Kydavone Souvanny ក្នុងប្រអប់។

ពីរនាទីបន្ទាប់ជើងឯកលីគកំពូលកម្ពុជា នៅសល់គ្នា10នាក់ បន្ទាប់ពីអ្នកចាំទី វីរៈ ដារ៉ា ចេញមកទះបាល់ក្រៅប្រអប់ រារាំងឱកាសរបស់ក្រុមគូប្រកួត។ អាជ្ញាកណ្តាលឱ្យបាល់ពិន័យ ហ្វ្រីឃីកទៅក្លិបម្ចាស់ផ្ទះ ហើយកីឡាករ Shokhrukh Mahmudxojiyev ក៏ទាត់បញ្ចូលទីបានសម្រេចឱ្យ Young Elephants នាំមុខ 2ទល់នឹង1 មុនបញ្ចប់វគ្គទី1។

ទោះនៅសល់គ្នាតិចជាងយ៉ាងណាក៏ដោយ ព្រះខ័នរាជនៅតែដាក់សម្ពាធលើគូប្រកួត។ ជាក់ស្តែងនាទីទី54 កីឡាករ Christian Roque Silveira Dos Santos មានឱកាសតែត្រូវអ្នកចាំទីក្លិបឡាវ រារាំងនិងបង្ករកំហុស។ អាជ្ញាកណ្តាលពិន័យកាត់ក្រហមឱ្យអ្នកចាំទីSolasak Thilavong។ ក្លិបទាំងពីរនៅសល់គ្នា 10នាក់ទល់នឹង10នាក់។

ជិតចប់ការប្រកួតនាទី90 ព្រះខ័នរាជស្វាយរៀងតាមស្មើ ដោយគ្រាប់បាល់របស់កីឡាករដូរចូល Christianពេលដែល ញាន សុស៊ីដាន បញ្ជួនបាល់ឱ្យ។ ក្នុងនាទីបន្ថែមបង្គ្រាប់ 90បូក4 កីឡាករដូរចូលមួយទៀត ញាន សុស៊ីដាន ក៏ទាត់បញ្ចូលទីគ្រាប់ជ័យជំនះឱ្យព្រះខ័នរាជស្វាយរៀង ឈ្នះ Young Elephants 3ទល់នឹង2។

ក្លិបទាំងពីរត្រូវជួបគ្នាម្តងទៀតក្នុងជើងទី2 ថ្ងៃទី24 ខែកក្កដា ខាងមុខនេះ នៅពហុកីលដ្ឋានជាតិ រាជធានីភ្នំពេញ ព្រះរាជាណាចក្រកម្ពុជា។ BTV News ផ្សាយផ្ទាល់ជូនអ្នកគាំទ្របាល់ទាត់ជាតិ៕