Foden ឈ្នះពានកីឡាករឆ្នើម Cole Palmer ឈ្នះពានកីឡាករវ័យក្មេងរបស់ PFA

ខ្សែបម្រើ Manchester City, Phil Foden ត្រូវបានបោះឆ្នោតជ្រើសរើសជាកីឡាករឆ្នើមបំផុតប្រចាំរដូវកាលរបស់ PFA (Professional Footballers’ Association) ខណៈដែលខ្សែបម្រើស្លាប Chelsea, Cole Palmer គឺជាកីឡាករវ័យក្មេងឆ្នើមបំផុត។ នេះជាលើកទីមួយហើយរាប់តាំងពីរដូវកាល 2009-2010

អានព៌ត័មានកីឡាអន្តរជាតិផ្សេងៗទៀត

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

នេះជាលើកទីមួយហើយរាប់តាំងពីរដូវកាល 2009-2010 ដែលអ្នកពានជ័យលាភីទាំងពីរនាក់ជាជនជាតិអង់គ្លេសបន្ទាប់ពី Wayne Rooney និង James Milner។

«ឈ្នះពានជ័យលាភីនេះ គឺជារឿងពិសេសមួយក្នុងអាជីព និងជាមោទកភាព ហើយក៏សូមអរគុណដល់អ្នករាល់គ្នា ដែលបានបោះឆ្នោតគាំទ្រ»។ នេះជាសំដីរបស់ Phil Foden ក្រោយទទួលពានកិត្តិយសមួយនេះ។

Phil Foden បានស៊ុតបញ្ចូលទី 19 គ្រាប់ក្នុងការបង្ហាញខ្លួន 35 ប្រកួតនៅ Premier League រដូវកាលមុន ជួយឱ្យ Manchester City ឈ្នះជើងឯកបួនរដូវកាលជាប់គ្នា ហើយនៅក្នុងវ័យ 23 ឆ្នាំ Phil Foden ក៏បានក្លាយជាកីឡាករក្មេងបំផុតដែលឈ្នះជើងឯកលីគ 6 លើក។

Foden បានទទួលសម្លេងគាំទ្រច្រើនជាងមិត្តរួមក្រុម​ Erling Haaland ដែលធ្លាប់ឈ្នះពាននេះរដូវកាលមុន ក៏ដូចជាយកឈ្នះអ្នកស្ថិតនៅក្នុងបញ្ជីបោះឆ្នោតចុងក្រោយរួមមាន Cole Palmer, Martin Odegaard និង Ollie Watkins។

ងាកមក Cole Palmer ថ្វីបើ Chelsea មិនមានរដូវកាលជោគជ័យរដូវកាលមុនក្តី កីឡាករអង់គ្លេសរូបនេះត្រូវបានបោះឆ្នោតជាកីឡាករវ័យក្មេងឆ្នើមបំផុតរបស់ PFA បន្ទាប់ពីស៊ុតបញ្ចូលទីបាន 22 គ្រាប់ក្នុងការបង្ហាញខ្លួន 34 ប្រកួតក្នុងលីគ។

កីឡាករវ័យ 22 ឆ្នាំរូបនេះ បានទទួលសម្លេងគាំទ្រច្រើនជាងអ្នកស្ថិតក្នុងបញ្ជីបោះឆ្នោតចុងក្រោយរួមមាន Bukayo Saka, Kobbie Mainoo, Alejandro Garnacho, Michael Olise និង Joao Pedro៕