Julian Alvarez ចាកចេញទៅ AT ខណៈ Man City បានតម្លៃខ្លួនបំបែកកំណត់ត្រាក្លិប

ក្លិបបាល់ទាត់អង់គ្លេស Manchester City និងក្លិបអេស្ប៉ាញ Atletico Madrid បានឈានដល់កិច្ចព្រមព្រៀងហើយក្នុងការផ្ទេរខ្សែប្រយុទ្ធអាហ្សង់ទីន Julian Alvarez ក្នុងតម្លៃ 81.5 លានផោន។

តម្លៃពេញ 81.5 លានផោននេះ បានមកពីតម្លៃផ្ទេរតែឯង 64.4 លានផោន បូកនឹងប្រាក់អត្ថប្រយោជន៍បន្ថែមផ្សេងទៀត £ 17.1 លាន។

អានព៌ត័មានកីឡាអន្តរជាតិផ្សេងៗទៀត

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

នៅពេលកិច្ចសន្យាផ្ទេរនេះរួចរាល់ Julian Alvarez នឹងក្លាយជាកីឡាករដែលលក់ចេញថ្លៃបំផុតក្នុងប្រវត្តិសាស្រ្តក្លិបបំបែកកំណត់ត្រារបស់ Raheem Sterling ដែលចាកចេញទៅ Chelsea តម្លៃ 50 លានផោនកាលពីឆ្នាំ​ 2022។

អ្នកចាត់ការ Manchester City លោក Pep Guardiola ធ្លាប់បាននិយាយថា Alvarez ស្ថិតក្នុងគម្រោងរបស់លោកសម្រាប់រដូវកាលថ្មី ខណៈកីឡាករវ័យ 24 ឆ្នាំរូបនេះបាននិយាយកាលពីដើមខែថា នឹងសម្រេចចិត្តពីអនាគតរបស់ខ្លួនក្រោយចប់បេសកកម្មជាមួយក្រុមអាហ្សង់ទីននៅអូឡាំពិកប៉ារីស ជាមួយនឹងគោលជំហរចង់ចាកចេញ។

មិនខុសពីអ្នកមុនៗឡើយដូចជា Ilkay Gundogan, Riyad Mahrez និង Aymeric Laporte ក្លិបជើងឯកអង់គ្លេសមួយនេះ នឹងមិនរារាំងកីឡាករដែលចង់ចាកចេញឡើយ។

រំលឹកថា Julian Alvarez បានមកដល់ Manchester City នៅឆ្នាំ ២០២២ ក្នុងតម្លៃផ្ទេរត្រឹម 14.1 លានផោនប៉ុណ្ណោះពីក្លិបអាហ្សង់ទីន River Plate និងបានបង្ហាញខ្លួនសរុប 106 ប្រកួតរកបាន 36 គ្រាប់សម្រាប់ City ដែលរួមមានឈ្នះជើងឯក 3 ក្នុងរដូវកាលដំបូង និងជាសមាជិករបស់ក្រុមជម្រើសជាតិអាហ្សង់ទីនដែលឈ្នះជើងឯកពិភពលោកនៅកាតាផងដែរ។

សូមបញ្ជាក់ថា Atletico Madrid មុននេះ ក៏បានឈានដល់កិច្ចព្រមព្រៀងផ្ទេរខ្សែបម្រើអង់គ្លេស Conor Gallagher ពីតោខៀវ Chelsea ផងដែរ៕