Manchester United ទិញបានខ្សែការពារបារាំង Leny Yoro ពី Lille តម្លៃ 62 លានអឺរ៉ូ

ក្លិបបិសាចក្រហម Manchester United បានសម្រេចក្នុងការផ្ទេរខ្សែការពារបារាំង Leny Yoro ពីក្លិបបារាំង Lille ក្នុងតម្លៃ 62 លានអឺរ៉ូ រួមជាមួយនឹងប្រាក់បន្ថែមផ្សេងៗ 8 លានអឺរ៉ូ។ កីឡាករវ័យ 18 ឆ្នាំលេងក្នុងតំណែងការពារកណ្តាលរូបនេះ បានចុះហត្ថលេខានៅកីឡដ្ឋាន Old Trafford រហូតដល់ឆ្នាំ 2029 រួមជាមួយនឹងជម្រើស

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

បន្ថែម 12 ខែ។ Leny Yoro បានចូលលេងឱ្យ Lille ដំបូងតាំងពីវ័យ 16 ឆ្នាំ និងធ្លាប់មានទំនាក់ទំនងផ្ទេរទៅកាន់ Real Madrid Paris Saint Germain និង Liverpool។ រដូវកាលមុន Yoro បង្ហាញខ្លួនបាន 32 ប្រកួតឱ្យ Lille រកបានពីរគ្រាប់ ខណៈ Lille បញ្ចប់រដូវកាលក្របខណ្ឌបារាំង Ligue1 នៅចំណាត់ថ្នាក់លេខ 4។

ក្រៅពីក្នុងលីគ Leny Yoro បង្ហាញខ្លួនសរុប 44 ប្រកួតរដូវកាលមុន ហើយ Lille ឡើងដល់វគ្គ 8 ក្រុមចុងក្រោយនៃក្របខណ្ឌ Europa Conference League ដែលចាញ់ Aston Villa ដោយបាល់ 11 ម៉ែត្រកាត់សេចក្តី។

Leny Yoro បានក្លាយជាកីឡាករទីពីរដែលមកកាន់ Manchester United ក្នុងរដូវក្តៅនេះ បន្ទាប់ពីកីឡាករហូឡង់ Joshua Zirkzee ផ្ទេរពី Bologna ក្នុងតម្លៃ 36.5 លានផោន។

មុនការផ្ទេរសម្រេច Leny Yoro នេះ Manchester United បានព្យាយាមចរចាយកខ្សែការពារ Everton, Jarrad Branthwaite តែតែងតែត្រូវបដិសេធដោយក្លិបនៅ Goodison Park៕