សឿយ វិសាល ថា ត្រូវការឈ្នះ Young Elephants នាំសំណាងរដូវកាលថ្មី

កីឡាករ សឿយ វិសាល ប្រធានក្រុមព្រះខ័នរាជស្វាយរៀង បានបង្ហាញការត្រៀមខ្លួនរួចរាល់ សម្រាប់ការប្រកួតជម្រុះជើងទី1 នៃការប្រកួតជើងឯកក្លិបបាល់ទាត់អាស៊ាន ASEAN Club Champion-Shopee Cup រដូវកាលឆ្នាំ2024/25 ជាមួយក្រុមម្ចាស់ផ្ទះ Young Elephants របស់ឡាវ នាល្ងាចថ្ងៃទី17 ខែកក្កដានេះដោយរំពឹងក្រុមនឹង

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

ទទួលបានជ័យជម្នះ ដើម្បីជាការនាំសំណាងក្នុងរដូវកាលថ្មី ដោយផ្ដើមចេញពីការប្រកួតដំបូងនេះ ។

ថ្លែងក្នុងសន្និសីទសារព័ត៌មានមុនការប្រកួត វិសាល បានចាត់ទុកការប្រកួតជម្រុះពានរង្វាន់ប្រចាំតំបន់នេះ គឺជាការត្រៀមខ្លួនកាន់តែល្អ និងសំខាន់ សម្រាប់រដូវកាលថ្មីរបស់ក្រុម ។ ដូច្នេះខ្លួនរំពឹងការចេញដំណើរពីការប្រកួតជាមួយ Young Elephants នឹងបញ្ចប់ជាមួយជ័យជម្នះ ដើម្បីបន្ដស្វែងរកលទ្ធផលល្អជាបន្ដបន្ទាប់ទៀត ក្នុងឆ្នាំថ្មីរបស់ក្លិបព្រះខ័នរាជស្វាយរៀងទាំងមូល ។

ដោយឡែកលោក Pep Muñoz គ្រូបង្វឹកក្រុមព្រះខ័នរាជស្វាយរៀង បានលើកឡើងស្រដៀងគ្នា មុនចាកចេញពីកម្ពុជា ដោយលោកអះអាងក្នុងសន្និសីទសារព័ត៌មានថា ក្រុមទាំងមូល បានត្រៀមខ្លួនរួចរាល់ សម្រាប់ការប្រកួតដ៏សំខាន់នេះ ហើយក៏ជឿជាក់កូនក្រុម នឹងធ្វើបានល្អ ដើម្បីស្វែងរកជ័យជម្នះក្នុងជំនួបជើងទី2 ជាមួយក្រុម Young Elephants នេះផងដែរ ។

គួរដឹងថា ក្រោយជំនួបជើងទី1 នៅទីក្រុងវៀងចន្ទន៍ ព្រះខ័នរាជស្វាយរៀង នឹងត្រូវបើកទ្វារពហុកីឡដ្ឋានជាតិអូឡាំពិក រាជធានីភ្នំពេញ ស្វាគមន៍ក្រុម Young Elephants វិញម្ដង នាថ្ងៃទី២៤ ខែកក្កដាខាងមុខ ដើម្បីកាត់សេចក្ដីរកក្រុមឈ្នះឡើងទៅវគ្គចែកពូល ។ ចំពោះក្រុមឈ្នះ នឹងត្រូវឡើងបង្គ្រប់ពូលA ជាមួយក្រុមឈ្នះ ក្នុងវគ្គជម្រុះ 1ក្រុមទៀត រវាងក្រុមប្រ៊ុយណេ Kasuka និងក្រុមមីយ៉ាន់ម៉ា Shan United ៕