អង់គ្លេសខកចិត្តជាថ្មី នៅវគ្គផ្តាច់ព្រ័ត្រ Euro 2024

ក្តីសង្ឃឹមរបស់ក្រុមតោកំណាចអង់គ្លេសចង់បញ្ចប់ការទន្ទឹងរង់ចាំរយៈពេល 58 ឈ្នះពានបាល់ទាត់នោះ ត្រូវបានបញ្ចប់ខកចិត្តម្តងទៀតក្រោយចាញ់អេស្ប៉ាញនៅវគ្គផ្តាច់ព្រ័ត្រនៅរដ្ឋធានីប៊ែកឡាំងប្រទេសអាល្លឺម៉ង់។

អេស្ប៉ាញដែលមានឱកាសគ្រប់គ្រងបានច្រើនលើសលុបលើអង់គ្លេស ត្រូវរង់ចាំដល់ដើមវគ្គទីពីរទើបអាចរកគ្រាប់នាំមុខ បាន

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com

ដោយ Nico Williams នៅនាទីទី 47 មុនពេលដែលកីឡាករបម្រុងផ្លាស់ប្តូរចូល Cole Palmer តាមស្មើវិញនៅនាទីទី 73 ឱ្យអង់គ្លេស។

យ៉ាងណាក្តី កីឡាករបម្រុងរបស់អេស្ប៉ាញ Mikel Oyazabal គឺជាអ្នកសម្រេចជោគវាសនារបស់អេស្ប៉ាញនៅពេលស៊ុតគ្រាប់ជ័យជំនះនៅនាទីទី 86 ឱ្យលើកពានបាល់ទាត់អឺរ៉ុបលើកទី 4 ក្នុងប្រវត្តិសាស្រ្ត។ នេះជាការខកចិត្តនៅវគ្គផ្តាច់ព្រ័ត្រពីរលើកផ្ទួនៗសម្រាប់អង់គ្លេស បន្ទាប់ពីចាញ់នៅវគ្គផ្តាច់ព្រ័ត្រកាលពីបីឆ្នាំមុនក្រោមថ្វីជើងអ៊ីតាលីនៅ Wembley។

អ្នកចាត់ការអង់គ្លេសលោក Gareth Southgate គិតមកដល់ពេលនេះកាន់តំណែងដឹកនាំក្រុមជម្រើសជាតិ 8 ឆ្នាំ ដែលគេឃើញមានការល្អប្រសើរជាងមុនរួមមានឡើងវគ្គផ្តាច់ព្រ័ត្រ Euro ពីរដង ឡើងវគ្គពាក់កណ្តាលផ្តាច់ព្រ័ត្រ World Cup 2018 និងវគ្គ 8 ក្រុម World Cup 2022 កាតា។

យ៉ាងណាក្តីអតីតខ្សែការពារ Middlesbrough រូបនេះ បានឱ្យដឹងថា អនាគតរបស់លោកជាមួយក្រុមជម្រើសជាតិ នឹងត្រូវយកមកពិភាក្សារក្រោយបរាជ័យនេះ។ លោក Southgate បានបន្តថា លោកមានមោទនភាពចំពោះកូនក្រុម ថ្វីបើចាញ់ តែចាញ់ក្រុមដែលល្អជាង ហើយយើងក៏ទទួលស្គាល់ពីចំនុចខ្វះខាតរបស់ក្រុម។

ចំណែកគ្រូបង្គោលអេស្ប៉ាញលោក Luis de la Fuente បានឱ្យដឹងថា ការបង្ហាញនៅលើទីលានរបស់កូនក្រុម ពិតជាត្រឹមត្រូវតាមគម្រោងដែលបានរៀបចំ ការគ្រប់គ្រងបាល់ ការលេងបាល់ខ្លីរហ័ស ជាគោលការដែលលោកបានកំណត់តាំងពីប្រកួតដំបូងនៅ Euro នេះ។

សូមបញ្ជាក់ថានេះ ជាជើងឯកបាល់ទាត់អឺរ៉ុបលើកទី 4 និងជាលើកដំបូងរាប់ពីឈ្នះចុងក្រោយនៅឆ្នាំ 2012 សម្រាប់អេស្ប៉ាញ ហើយពេលនេះអេស្ប៉ាញបានក្លាយជាក្រុមដែលឈ្នះជើងឯកអឺរ៉ុបច្រើនជាងគេផងដែរ។

ចំណែកអង់គ្លេស ដែលឈ្នះជើងឯក World Cup តាំងពីឆ្នាំ 1966 ក្នុងទឹកដីរបស់ខ្លួន ត្រូវបន្តរង់ចាំបន្តទៀត ក្នុងការចង់ឈ្នះជើងឯកពានសំខាន់ៗបែបនេះ៕