FFC ចេញបញ្ជីចុងក្រោយ សមាជិក U19 ជម្រេីសជាតិ​ ត្រៀមជេីងឯងអាស៊ាននៅឥណ្ឌូនេស៊ី​

សហព័ន្ធកីឡាបាល់ទាត់កម្ពុជា (FFC) បានបង្ហាញបញ្ជីឈ្មោះកីឡាករ 23នាក់ចុងក្រោយ នៃក្រុមជម្រើសជាតិយុវជនអាយុក្រោម 9ឆ្នាំកម្ពុជាជាផ្លូវការហើយ បន្ទាប់ពីហ្វឹកហាត់ធ្វើតេស្ដជាង 1សប្ដាហ៍ ក្រោមការដឹកនាំរបស់គ្រូបង្វឹកលោក ភា សុភ័ក្ដ្រា មកពីសមាគមកីឡាបាល់ទាត់កងយោធពលខេមរភូមិន្ទដើម្បីត្រៀមការប្រកួតជើងឯក

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com 

យុវជនអាស៊ាន ASEAN U19 Boy’s Championship 2024 នៅប្រទេសឥណ្ឌូនេស៊ី នាចុងខែកក្កដានេះ ។ កីឡាករ 23នាក់ចុងក្រោយ ដែលត្រូវបានចម្រាញ់ក្នុងចំណោមបេក្ខជនជិត 60នាក់នេះ រួមមានសមាជិកសាលាបាល់ទាត់ជាតិបាទី 6នាក់, ភ្នំពេញក្រោន 4នាក់, កងយោធពលខេមរភូមិន្ទ 4នាក់, វិសាខា 4នាក់, បឹងកេត ម្នាក់, ISI ដង្កោសែនជ័យ ម្នាក់, គិរីវង់សុខសែនជ័យ ម្នាក់, ណាហ្គាវើលដ៏ ម្នាក់ និងម្នាក់ទៀត គឺកីឡាករកូនកាត់ខ្មែរ-នូវែលសេឡង់ លឹម លោកាថុង ដែលកំពុងប្រកបអាជីពជាមួយក្លិប Melville United នៃលីគកំពូលនូវែលសេឡង់ ។ បន្ទាប់ពីបង្ហាញបញ្ជីឈ្មោះផ្លូវការ ក្រុមគោព្រៃជំទង់កម្ពុជា ក្រោមការដឹកនាំរបស់លោក ភា សុភ័ក្ដ្រា នឹងធ្វើការប្រមូលផ្ដុំហ្វឹកហាត់ ចាប់ពីចុងសប្ដាហ៍នេះ រហូតដល់ថ្ងៃចេញដំណើរទៅទីក្រុង Surabaya ប្រទេសឥណ្ឌូនេស៊ី ដើម្បីចូលរួមការប្រកួតពានរង្វាន់យុវជនជើងឯកអាស៊ាន ASEAN U19 Boy’s Championship 2024 ដែលនឹងចាប់ផ្ដើមការប្រកួតផ្លូវការ ពីថ្ងៃទី១៧ ដល់ថ្ងៃទី២៩ ខែកក្កដាខាងមុខ ដោយក្រុមយុវជន U19 កម្ពុជា ស្ថិតក្នុងពូលA ជាមួយម្ចាស់ផ្ទះឥណ្ឌូនេស៊ី, ទីម័រខាងកើត និងហ្វីលីពីន ។ រីឯពូលB មានក្រុមយុវជនឡាវ វៀតណាម មីយ៉ាន់ម៉ា និងអូស្ដ្រាលី និងពូលC មានក្រុមយុវជនម៉ាឡេស៊ី, ថៃ, សិង្ហបុរី និងប្រ៊ុយណេ ៕