Euro 2024៖ ព័រទុយហ្កាល់ 2-1 ឆេក ចំណែកទួរគីឈ្នះហ្សកហ្ស៊ី 3-1

ក្រុមជើងឯក 2016 ព័រទុយហ្កាល់ដណ្តើមបានជ័យជំនះយ៉ាងប្រផិតប្រផើយចុងម៉ោងយកឈ្នះឆេកដើម្បីទទួលបានបីពិន្ទុនៅក្នុងពូល F ដេលជាពូលចុងក្រោយគេនៅ​ Euro 2024 នេះ។ ក្រុមរបស់លោក Roberto Martinez ត្រូវបានឆេកនាំមុខមុននៅនាទីទីពីរដោយ Lucas Provod តែគ្រាប់បាល់ចូលទីខ្លួនឯងរបស់

ចុចទីនេះ សម្រាប់ព៌ត័មានផ្សេងៗទៀតអំពី EURO 2024

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com 

Robin Hranac ធ្វើឱ្យព័រទុយហ្កាល់តាមស្មើវិញ 1-1។

បន្ទាប់ពីការសម្រុកខ្លាំងពីព័រទុយហ្កាល់ Diogo Jota ក៏រកបានគ្រាប់ជ័យជំនះ តែអាជ្ញាកណ្តាលមិនឱ្យ មុនពេលដែល កីឡាករបម្រុងវ័យទើប 21 ឆ្នាំ Francisco Conceicao ដូរចូលនៅនាទីទី 90 បានត្រឹមពីរនាទីក៏ស៊ុតបញ្ចូលទីគ្រាប់ជ័យជំនះឱ្យព័រទុយហ្កាល់នៅនាទីទី 90+2។ នេះជាជ័យជំនះដ៏មានសារៈសំខាន់មួយសម្រាប់ព័រទុយហ្កាល់មុនជួបជាមួយទួកគីប្រកួតទីពីរថ្ងៃសៅរ៍នេះ។

ក្នុងការប្រកួតនេះដែរ ខ្សែការពារវ័យចំណាស់ Pepe ដែលបានចូលលេងដែរនោះ បានក្លាយជាកីឡាករវ័យចំណាស់បំផុតបង្ហាញខ្លួននៅបាល់ទាត់អឺរ៉ុបក្នុងវ័យ 41 ឆ្នាំ 113 ថ្ងៃ បំបែកកំណត់ត្រាចាស់របស់អ្នកចាំទីហុងគ្រី Gabor Kiraly វ័យ 40 ឆ្នាំ 86 ថ្ងៃ ដែលបានចូលលេងកាលពី Euro 2016 ទល់នឹងប៊ែលហ្ស៊ិក ខណៈដែល Cristiano Ronaldo ក៏បានបង្កើតកំណត់ត្រាកីឡាករដែលមានមុខនៅព្រឹត្តិការណ៍បាល់ទាត់អឺរ៉ុបសរុប 6 លើក។

ងាកមកការប្រកួតមួយគូទៀតនៅក្នុងពូល F នេះដែរ ទួកគីទទួលបានបីពិន្ទុមិនភ្លាត់ឡើយនៅពេលយកឈ្នះក្រុមចំនូលថ្មីហ្សកហ្ស៊ី 3-1។ កីឡាករវ័យក្មេងរបស់ Real Madrid, Arda Guler ស្ថិតក្នុងវ័យ 19 ឆ្នាំ 114 ថ្ងៃ ដែលគេស្គាល់ថាជា Messi ទួកគីនោះ បានបង្ហាញខ្លួនដំបូងក្នុងព្រឹត្តិការណ៍បាល់ទាត់អឺរ៉ុប និងបានស៊ុតបញ្ចូលទីឱ្យទួកគីនៅនាទីទី 65 ក្លាយជាកីឡាករវ័យក្មេងបំផុតដែលស៊ុតបញ្ចូលទីក្នុងការបង្ហាញខ្លួនដំបូងនៅ Euro បំបែកកំណត់ត្រារបស់ Cristiano Ronaldo ដែលធ្វើបានក្នុងវ័យ 19 ឆ្នាំ 128 ថ្ងៃកាលពី Euro 2004 នៅក្រិក៕