Julen Lopetegui ក្លាយជាអ្នកចាត់ការផ្លូវការរបស់ West Ham

ក្លិបបាល់ទាត់ញញួរធំ West Ham បានប្រកាសតែងតាង និងការមកដល់រ​បស់អ្នកចាត់ការថ្មីសញ្ជាតិអេស្ប៉ាញ លោក Julen Lopetegui នៅថ្ងៃព្រហស្បតិ៍ម្សិលមិញ បន្តតំណែងលោក David Moyes។

អតីតអ្នកចាត់ការ Real Madrid រូបនេះធ្លាប់មានអាជីពនៅទឹកដីអង់គ្លេសផងដែរ ដឹកនាំក្រុម Wolverhampton ខណៈការងារថ្មីនៅ​ West Ham

នឹងចាប់ផ្តើមពីថ្ងៃទី 1 ខែកក្កដាតទៅ។

ក្រោមការដឹកនាំរបស់លោក David Moyes ក្រុមញញួរធំ West Ham បានបញ្ចប់រដូវកាលនេះនៅចំណាតថ្នាក់លេខ 9 មាន 52 ពិន្ទុនៅ Premier League និងខកខានមិនបានប្រកួតនៅក្របខណ្ឌអឺរ៉ុបរដូវកាលក្រោយឡើយ។

រំលឹកថា កាលពីអាជីពជាកីឡាករលោក Lopetegui ធ្លាប់ចំណាយពេលជាមួយ Barcelona និង Real Madrid តែចំណាយពេលយូរបំផុតជាមួយ Rayo Vallecano មុនពេលចាប់ផ្តើមអាជីពជាគ្រូបង្វឹកជាមួយក្រុមយុវជនអេស្ប៉ាញ និង ដឹកនាំ​ Rayo Vallecano មុនបន្តទៅ FC Porto របស់ព័រទុយហ្កាល់។

អាជីពជោគជ័យបំផុតក្នុងនាមជាអ្នកចាត់ការ បុរសវ័យ 57 ឆ្នាំរូបនេះបានដឹកនាំ Sevilla បីឆ្នាំ ឈ្នះជើងឯក Europa League នៅឆ្នាំ 2020៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com