Henderson សម្រេចចែកផ្លូវពី Al-Ettifaq មុនចូលរួមជាមួយ Ajax

ខ្សែបម្រើអង់គ្លេស Jordan Henderson បានសម្រេចក្នុងការផ្លាស់មកកាន់ទឹកដីអឺរ៉ុបវិញជាមួយក្លិបហូឡង់ Ajax Amsterdam ក្រោយបញ្ចប់កិច្ចសន្យាមុនកំណត់ជាមួយក្លិបអារ៉ាប៊ីសាអ៊ូឌីត។

កីឡាករវ័យ 33 ឆ្នាំរូបនេះបានចុះហត្ថលេខា 3 ឆ្នាំផ្ទេរទៅកាន់ Al-Ettifaq កាលពីខែកក្កដាក្នុងតម្លៃ 12 លានផោនពី Liverpool និងទទួលបាន

ប្រាក់ឈ្នួល 70 ម៉ឺនផោនឯណោះនៅ Saudi Pro League។

សារព័ត៌មានជាច្រើនបានចុះផ្សាយថា Jordan Henderson មិនសប្បាយចិត្តឡើយក្នុងអាជីពនៅអារ៉ាប៊ីសាអ៊ូឌីត បើទោះជាបានរួមក្លិបជាមួយអ្នកចាត់ការ Steven Gerrard ដែលធ្លាប់ជាប្រធានក្រុម Liverpool។

Henderson បានសរសេរសាបង្ហោះនៅលើបណ្តាញសង្គមថា នេះមិនមែនជាការសំរេចចិត្តដ៏ងាយស្រួលឡើយ តែការផ្លាស់ប្តូរនេះគឺរឿងល្អបំផុតសម្រាប់ខ្លួនឯងផ្ទាល់ និងក្រុមគ្រួសារ។

Henderson បានបង្ហាញខ្លួនសរុប ១៧ ប្រកួតឱ្យ Al-Ettifaq ដែលកំពុងឈរលេខ 8 នៅក្របខណ្ឌ Saudi Pro League៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com