មកទល់ពេលនេះ Kylian Mbappe នៅតែមិនទាន់បង្ហើបពីអនាគតខ្លួន

ខ្សែប្រយុទ្ធបារាំង Kylian Mbappe មិនទាន់សម្រេចចិត្តពីអនាគតរបស់ខ្លួននៅឡើយ បើទោះជាកិច្ចសន្យារបស់ខ្លួននឹងអស់សុពលភាពជាមួយក្រុមជើងឯកបារាំង Paris Saint Germain នៅដំណាច់រដូវកាលនេះ។

កីឡាករវ័យ ២៥ ឆ្នាំប្រធានក្រុមជម្រើសជាតិបារាំងរូបនេះ ត្រូវបានគេមើលឃើញពីទំនាក់ទំនងផ្ទេរទៅកាន់ Real Madrid

ច្រើនឆ្នាំមកហើយ។ Mbappe ធ្លាប់ប្រាប់ PSG កាលពីខែមិថុនាកន្លងទៅផងដែរថា ខ្លួននឹងមិនបន្តកិច្ចសន្យាបន្ថែម 12 ខែទៀតឡើយ។

ក្រោយជួយ PSG យកឈ្នះ Toulouse 2-0 លើកពាន French Champions Trophy កាលពីយប់ថ្ងៃពុធ Mbappe ថា អ្វីដែលត្រូវធ្វើចំពោះមុខនោះគឺរកជ័យជំនះជូនក្លិប ជូនខ្លួនឯង និងការខិតខំប្រឹងប្រែង ដោយឡែកអនាគតយ៉ាងណាទុកមួយឡែកសិន។

Kylian Mbappe បានផ្លាស់មកកាន់ Paris Saint Germain កាលពីឆ្នាំ 2017 ពី Monaco ក្នុងកិច្ចសន្យាខ្ចី មុនពេលផ្លាស់ផ្លូវកាលមួយឆ្នាំបន្ទាប់ក្នុងតម្លៃផ្ទេរ 180 លានអឺរ៉ូ។

រំលឹកដែរថា Mbappe ស្ទើរតែចាកចេញពី PSG ទៅហើយនៅដំណាច់រដូវកាល 2021-22 មុនពេលដែលព្រមព្រៀងកិច្ចសន្យា 2 ឆ្នាំបន្ថែមវិញ។

Mbappe ក្រោយមកក៏ធ្លាប់បដិសេធមិនជួបចរចាជាមួយអ្នកតំណាងនៃក្របខណ្ឌ Saudi Pro League ដែរ ជុំវិញការផ្ទេរទៅកាន់ Al-Hilal ដែលហ៊ានផ្តល់សំណើបំបែកកំណត់ត្រា 259 លានផោន៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com