លោក Southgate ចុចឈ្មោះខ្សែប្រយុទ្ធសារិកាព្រៃ Callum Wilson ចូលក្រុមជម្រើសជាតិ

ខ្សែប្រយុទ្ធ Newcastle កីឡាករ Callum Wilson ត្រូវបានកោះហៅចូលក្រុមជម្រើសជាតិឡើងវិញ ដោយអ្នកចាត់ការ Gareth Southgate ដើម្បីត្រៀមការប្រកួតជម្រុះបាល់ទាត់អឺរ៉ុប Euro 2024។

កីឡាករវ័យ 31 ឆ្នាំរូបនេះបានស៊ុតបញ្ចូលទីនៅ Premier League 7 គ្រាប់រដូវកាលនេះ តែបានរងរបួសសសៃពួរបន្តិចបន្តួចអំឡុង

បរាជ័យនៅទឹកដី Dortmund កាលពីថ្ងៃអង្គារ។ Callum Wilson សង្ឃឹមថា នឹងមានឱកាសធ្វើឱ្យបានល្អជាមួយក្រមជម្រើសជាតិអង់គ្លេស ដើម្បីឈរជើងជាតួរងពេលគ្មាន Harry Kane។

ចំណែកកីឡាករដែលត្រូវបានកោះហៅផ្សេងទៀតដូចជាខ្សែបម្រើ Spurs, James Maddison និង Bukayo Saka ក៏ត្រូវកោះហៅផងដែរទោះកំពុងមានរបួសក៏ដោយ។ ខ្សែប្រយុទ្ធ Chelsea, Raheem Sterling ដែលបង្ហាញខ្លួនឱ្យអង់គ្លេសបាន 82 លើករកបាន 20 គ្រាប់នោះ មិនស្ថិតក្នុងជម្រើសរបស់លោក Southgate ឡើយ។ អតីតខ្សែបម្រើ Liverpool, Jordan Henderson បច្ចុប្បន្នលេងនៅអារ៉ាប៊ីសាអ៊ូឌីត Al-Ettifaq នោះក៏ត្រូវបានកោះហៅផងដែរ។

ក្រុមរបស់លោក Gareth Southgate បានធានាកៅអីនៅ Euro 2024 នៅអាល្លឺម៉ង់ឆ្នាំក្រោយរួចហើយ ខណៈជំនួបពីរប្រកួតខាងមុខជាប្រកួតបង្គ្រប់កិច្ចទល់នឹងម៉ាល់តានៅថ្ងៃទី 17 ខែវិច្ឆិកា និងម៉ាសេដ្វាន់ខាងជើង 3 ថ្ងៃបន្ទាប់៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com