ភ្នំពេញក្រោន ដាក់លក់សំបុត្រ 5ពាន់សន្លឹក ក្នុងជំនួបក្រុមភ្ញៀវ Shan United

សំបុត្រសម្រាប់ចូលរួមទស្សនា ការប្រកួតកីឡាបាល់ទាត់ពានរង្វាន់ក្លិបទ្វីបអាស៊ីកម្រិតទីពីរ (AFC Cup) រវាងក្លិបជើងឯកកម្ពុជា ភ្នំពេញក្រោន និង ជើងឯកសហភាពមីយ៉ាន់ម៉ា Shan United ដាក់លក់ចាប់ពីព្រឹកថ្ងៃទី03 ខែតុលានេះហើយ ចំនួន 5000សំបុត្រ។ យោងតាមទំព័រហ្វេសប៊ុកផ្លូវការរបស់ក្លិបភ្នំពេញក្រោនបាន

បញ្ជាក់ថា សំបុត្រចូលរួមទស្សនាការប្រកួត AFC Cup ថ្ងៃទី05 ខែតុលា ឆ្នាំ2023នេះ បានដាក់លក់ចាប់ពីម៉ោង 9ព្រឹក ថ្ងៃទី03 ខែតុលានេះហើយ នៅកីឡដ្ឋានស្មាត អ អេស អិន។

លោក លី ហៀង អគ្គលេខាធិការ ក្លិបបាល់ទាត់ភ្នំពេញក្រោន បានប្រាប់ឱ្យដឹងថាសំបុត្រមានតម្លៃ 20,000រៀល ហើយដោយអនុវត្តតាមសហព័ន្ធបាល់ទាត់ទ្វីបអាស៊ី (AFC) អនុញ្ញាតិឱ្យលក់តែកន្លែងអង្គុយដែលមានដំបូល (កៅអីផ្អែក) តែប៉ុណ្ណោះ។ មុនការប្រកួតមកដល់នេះ លោកអគ្គលេខាធិការ បានសំណូមពរឱ្យមានការចូលរួមគាំទ្រក្លិបរបស់កម្ពុជាឱ្យបានច្រើនកុះករផងដែរ។

សូមជម្រាបជូនថាការប្រកួតរវាងភ្នំពេញក្រោន និង Shan United ធ្វើឡើងនៅថ្ងៃទី 05 ខែតុលា ឆ្នាំ 2023 នៅពហុកីឡដ្ឋានជាតិ (អូឡាំពិក) វេលាម៉ោង 7 យប់ ដោយមានការផ្សាយផ្ទាល់តាមទូរទស្សន៍ BTV News។

ភ្នំពេញក្រោនបើកការប្រកួត AFC Cup ក្នុងពូល F ដោយយកឈ្នះក្លិប HD Cebu ជើងឯករងលីគកំពូលហ្វីលីពីន 3ទល់នឹង0៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com