AFC Champions League៖ Al-Ittihad ឈ្នះ តែ Al-Hilal បានត្រឹមស្មើ

ការប្រកួតបាល់ទាត់ក្លិបកំពូលអាស៊ី AFC Champions League បានចាប់ផ្តើមនៅយប់ថ្ងៃចន្ទ ដែលជាការប្រកួតនៅតំបន់អាស៊ីខាងលិច។ ក្រុមជើងឯករងរដូវកាលមុនអារ៉ាប៊ីសាអ៊ូឌីត Al-Hilal បើកទ្វាផ្ទះទទួលស្វាគមន៍ក្រុមភ្ញៀវមកពីអ៊ូសប៊ែគីស្ថាន Navbahor តែមិនអាចរកបានបីពិន្ទុក្នុងផ្ទះរបស់ខ្លួនឡើយ។

Toma Tabatadze ជាអ្នកបើកការនាំមុខឱ្យក្រុមភ្ញៀវ Navbahor នៅដើមវគ្គទី 2 បន្ទាប់ពីវគ្គទី 1 ឱកាសជាច្រើនរបស់ Al-Hilal មិនបានសំរេច។

ហៀបនឹងចប់ការប្រកួតទៅហើយ ៣ ពិន្ទុគួរតែបានសម្រាប់ Navbahor តែម៉ោងបន្ថែមបង្គ្រប់ដល់ទៅ 14 នាទី ក្រុមម្ចាស់ផ្ទះក៏តាមស្មើវិញបានសំរេចដោយការតែតបញ្ចូលទីរបស់ Ali Al Bulayhi។​

នៅក្នុងពូល D នេះដែរ ក្រុមភ្ញៀវអ៊ីរ៉ង់ FC Nassaji Mazandaran ឈ្នះនៅទឹកដីឥណ្ឌា Mumbai City FC 2-0។ ងាកមកការប្រកួតនៅក្នុងពូល C វិញ ក្រុមចំណាយលុយច្រើនជើងឯក 2 សម័យ Al-Ittihad មិនភ្លាត់បីពិន្ទុក្នុងដីរបស់ខ្លួនឡើយ ក្រោយយកឈ្នះក្រុមភ្ញៀវអ៊ូសប៊ែគីស្ថាន FC AGMK 3-0។

ពីរគ្រាប់ក្នុង 4 នាទីដំបូងបានកើតឡើង Haroune Camara នៅនាទីទី 11 និង Romarinho នាទីទី ១៥ ធ្វើឱ្យក្រុមភ្ញៀវបាត់បង់ស្មារតីទៅហើយ មុនពេលដែល Al-Ittihad បន្ថែមមួយគ្រាប់ទៀតចុងវគ្គទី 1 ដោយបាល់ពិន័យ 11 ម៉ែត្ររបស់ Romarinho ដដែល។

Al-Ittihad ជាក្លិបតែមួយគត់ដែលធ្លាប់ឈ្នះជើងឯក AFC Champions League ពីររដូវកាលជាប់គ្នា ចាប់តាំងពីពានរង្វាន់នេះរៀបចំឡើងដំបូងនៅឆ្នាំ 2002។

នេះជាការបង្ហាញខ្លួនលើកដំបូងដែរ សម្រាប់ Al-Ittihad ក្រោយអវត្តមានតាំងពីឆ្នាំ 2015៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com