Eric Ten Hag មិនឆ្លើយសំនួរអ្នកកាសែត ជុំវិញរឿងរ៉ាវ Jadon Sancho

អ្នកចាត់ការ Man United លោក Eric Ten Hag បានបដិសេធមិនអត្ថាធិប្បាយ លើខ្សែបម្រើស្លាបស្តាំរបស់អង់គ្លេស Jadon Sancho ប៉ុន្តែបានបញ្ជាក់ថា «បិសាចក្រហម» នៅតែមាន 11នាក់ដំបូងដ៏រឹងមាំ នៅមុនការប្រកួតមកដល់។ កីឡដ្ឋាន Old Trafford នឹងបើកទ្វារស្វាគមន៍ Brighton ក្របខណ្ឌ English Premier League

នៅថ្ងៃសៅរ៍ ទី16 ខែកញ្ញានេះ។ Manchester United បញ្ជាឱ្យ Sancho ហ្វឹកហាត់ដាច់ដោយឡែក បន្ទាប់ពីមានជម្លោះពាក្យសម្ដីជាមួយលោក Ten Hag អំឡុងត្រូវបានកាត់ចេញពីក្រុម ក្នុងការប្រកួតដែលពួកគេចាញ់ Arsenal 1-3 មុនពេលសម្រាក FIFA Days ។ ក៏មានព័ត៌មានថា តារាបាល់ទាត់វ័យ 23ឆ្នាំរូបនេះ បានបដិសេធមិនព្រមសុំទោសអ្នកចាត់ការរបស់ខ្លួន ខណៈក្លិបក៏មិន​មានការយោគយល់លើទង្វើបែបនេះដែរ។

ក្នុងសន្និសីទសារព័ត៌មានមុនជួប Brighton នៅពេលអ្នកសារព័ត៌មានសួរអំពី Sancho អតីតអ្នកចាត់ការ Ajax Amsterdam បាន ឆ្លើយពង្វាងថា៖ «ខ្ញុំគិតថា អ្វីៗត្រូវបាននិយាយរួចហើយ។ ក្រុមខ្លាំង មានស្មារតីល្អ និងនៅក្នុងការប្រមូលអារម្មណ៍ដ៏ល្អក្នុងការប្រកួតខាងមុខនេះ»។

«យើងតែងតែប្រឈមមុខនឹងរឿងអាក្រក់ នៅក្នុងរដូវកាលនីមួយៗ។ កីឡាករអាចមានបញ្ហារបួស ឬហេតុផលដែលមិនអាចជៀសបានផ្សេងទៀត។ នោះហើយជាមូលហេតុ ដែលយើងត្រូវការបង្កើតក្រុម លេងជាក្រុម។ ​កីឡាករ​ដែល​ត្រៀម​ខ្លួន​ចូល​លេង ​មាន​កម្លាំង​ចិត្ត​ខ្ពស់​ក្នុង​ការ​ធ្វើ​ឱ្យ​បាន​ល្អ។ នៅក្នុងក្លិប វាជាការងាររបស់ខ្ញុំក្នុងការគ្រប់គ្រងប្រកបដោយមាត្រដ្ឋានច្បាស់លាស់មួយ។ ប្រសិនបើនរណាម្នាក់ចង់ទៅហួសពីអ្វីដែលបានកំណត់ អ្នកត្រូវតែខ្លាំង»។

រឿងរ៉ាវរបស់ Ten Hag និង Sancho ត្រូវបានបន្តអូសបន្លាយ ខណៈមានមតិផ្សេងៗគ្នាជុំវិញបញ្ហារបស់កីឡាករ និងអ្នកចាត់ការទាំងពីរ ដោយមួយចំនួនគាំទ្រទង្វើរបស់ Sancho ដែលគេធ្លាប់ដឹងថា មិនខ្ជិលច្រអូសក្នុងការហ្វឹកហាត់ ចំណែកមួយចំនួនស្ដីបន្ទោសរូបគេ ជុំវិញការមិនគោរពការសម្រេចចិត្តរបស់អ្នកចាត់ការ៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com