ជំនួបរ៉ូម៉ានី-កូសូវ៉ូ ផ្អាកមួយរយៈធំ ដោយសារអ្នកគាំទ្ររ៉ូម៉ានី ស្រែកបង្អាប់កូសូវ៉ូ

ការប្រកួតវគ្គជម្រុះ Euro 2024 នៅយប់ថ្ងៃអង្គារម្សិលមិញ រវាងម្ចាស់ផ្ទះរ៉ូម៉ានី និងក្រុមភ្ញៀវកូសូវ៉ូ ត្រូវផ្អាកជិតមួយម៉ោង ដោយសារអ្នកគាំទ្ររ៉ូម៉ានី ស្រែកបង្អាប់ និងលើកបដាពាក្យឌឺដងផ្សេងៗ ទៅលើកូសូវ៉ូ ជុំវិញការផ្ដាច់ខ្លួនពីប្រទេសស៊ែប។ ការប្រកួតនៅរដ្ឋធានី Bucharest ប្រទេសរ៉ូម៉ានី ត្រូវបានផ្អាកនៅនាទីទី 18 បន្ទាប់ពីអ្នកគាំទ្ររ៉ូម៉ានី

មួយចំនួន បានស្រែកឈ្មោះប្រទេស «Serbia Serbia» និងបានសរសេរពាក្យថា Kosova គឺជា Serbia។ ពេលនោះដែរ អាជ្ញាកណ្តាលក៏បានសម្រេចផ្អាកការប្រកួតសិន និងឱ្យកីឡាករទាំងអស់ចូលក្នុងបន្ទប់ផ្លាស់សម្លៀកបំពាក់រៀងៗខ្លួន។

រំលឹកថា កូសូវ៉ូបានប្រកាសឯករាជ្យពីស៊ែបនៅឆ្នាំ 2008 ក្រោយទទួលបានសំលេងគាំទ្រទទួលស្គាល់ ពីជាង 100 ប្រទេសជុំវិញពិភពលោក លើកលែងតែរ៉ូម៉ានី។

ការប្រកួតក្រោយមកក៏ដំណើរការបន្ត ខណៈម្ចាស់ផ្ទះរ៉ូម៉ានីរកបានពីរគ្រាប់ដោយ Nicolas Stanciu នៅនាទីទី 83 និងមួយគ្រាប់ទៀត នៅម៉ោងបន្ថែមបង្គ្រប់ដោយ Valentin Mihaila។

បីពិន្ទុនេះ ធ្វើឱ្យរ៉ូម៉ានីរំកិលឡើងមកឈរលេខ 2 ក្នុងពូលមាន 12 ពិន្ទុ តាមពីក្រោយក្រុមលើគេក្នុងពូល ជម្រើសជាតិស្វ៊ីស 2 ពិន្ទុ ខណៈកូសូវ៉ូធ្លាក់ទៅលេខ 5 ក្នុងពូល៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនី www.188asia.com