Liverpool បំពេញការនាំយក Melo ពី Juventus ក្នុងលក្ខខណ្ឌខ្ចីជើង

ក្លិប​ហង្សក្រហម Liverpool បានបំពេញ​ការ​​នាំ​យកខ្សែ​បម្រើ Arthur Melo ពីក្លិប Juventus ក្នុង​លក្ខខណ្ឌ​ខ្ចី​ជើង នៅ​ថ្ងៃ​ចុងក្រោយ​​នៃ​ទីផ្សារ​ដោះដូរ​កីឡាករ​។ ជា​មួយ​គ្នានេះ Liverpool ក៏​មាន​ជម្រើស​ក្នុងការ​ទិញ​យក​រូប​គេ​ដាច់​ផង​ដែរ បន្ទាប់​ពីរដូវ​កាល​នេះ​។ ការ​នាំយកខ្សែ​បម្រើ​អន្តរ​ជាតិ​ប្រេស៊ីល​វ័យ​26​ឆ្នាំ​រូបនេះ នឹង​ជួយ​​ដោះ​បន្ទុក​របស់

​Liverpool ដែល​កំពុង​តែ​ឈឺ​ក្បាល​​លើ​បញ្ហា​របួស​កីឡាករ​។ Arthur បាន​បង្ហាញខ្លួន ​31លើក​​សម្រាប់​ក្រុម Juventus កាលពី​រដូវកាល​មុន ប៉ុន្តែ មិន​បាន​លេង​ឲ្យ​ពួក​គេ អំឡុង​ពេល​នៃ​រដូវកាល​នេះ​ឡើយ​។ រូប​គេ​បាន​ចូល​ជាមួយ​នឹងក្លិប​សេះ​បង្កង់ Juventus របស់​អ៊ីតាលី ពី​ក្លិប Barcelona កាលពី​ឆ្នាំ​2020​។ ជា​មួយ​គ្នា​នេះ ខ្សែ​បម្រើ Jordan Henderson របស់ Liverpool ក៏​មាន​បញ្ហា​របួស ក្នុង​ពេល​​ប្រកួត​ជាមួយនឹងក្រុម Newcastle ផងដែរ កាលពីថ្ងៃពុធ ដោយ​សារ​តែ​របួស​សរសៃ​ពួគន្លាក់ជើង​។ លោក Jurgen Klopp គ្រូបង្វឹក​នៃក្រុមហង្ស​ក្រហម Liverpool បាន​និយាយ​ថា កីឡាករ​វ័យ​32ឆ្នាំ​រូបនេះ នឹង​មិនអាច​ចូលលេង​សម្រាប់​ការ​ប្រកួត​ជាមួយ​នឹងក្រុម Everton ​នៅ​ថ្ងៃ​សៅរ៍​នេះឡើយ​។ Henderson ចូលរួម​ជាមួយនឹង Thiago Alcantara, Naby Keita និង Alex Oxlade-Chamberlain ក្នុង​បញ្ជី​ឈ្មោះ​​ខ្សែ​បម្រើ​ដែលមាន​បញ្ហា​របួស​របស់ Liverpool​៕

ប្រភព​ព័ត៌​មាន៖ BBC

ចុះឈ្មោះ និងដាក់ប្រាក់ជាមួយ 188Asia ក្នុងខែនេះ ដើម្បីទទួលបានប័ណ្ណចូលរួមការចាប់រង្វាន់គ្រឿងអេឡិចត្រូនិច និងរង្វាន់ប្រាក់បន្ថែមរហូតដល់ $100 បើកគណនី www.188asia.com