Jota រកបាន2គ្រាប់ដើម្បីជួយឲ្យ Liverpool ទៅវគ្គផ្តាច់ព្រ័ត្រក្នុង League Cup

Liverpool បានឈានទៅវគ្គផ្តាច់ព្រ័ត្រនៃពាន Carabao Cup ក្នុងការប្រកួតនៅរាត្រីដ៏ត្រជាក់ នៅទីក្រុងឡុងដ៍ ដើម្បីទៅជួបក្រុម Chelsea នាកីឡដ្ឋាន Wembley ក្រោយពីខ្សែប្រយុទ្ធ Diogo Jota បានស៊ុតបាល់បញ្ចូលទី2គ្រាប់ ដើម្បីជួយឲ្យពួកគេយកឈ្នះលើក្រុម Arsenal 2-0 ក្នុងការប្រកួតជើងទី2 នៃវគ្គពាក់កណ្តាលផ្តាច់ព្រ័ត្រ កាលពីថ្ងៃព្រហស្បតិ៍។ Jota បានជួយឲ្យ Liverpool

ស្ថិតលើផ្លូវឆ្ពោះទៅកាន់ការប្រកួតនាកីឡដ្ឋាន Wembley តាមរយៈគ្រាប់បាល់បញ្ចូលទីរបស់គេនៅតង់ទី1 ហើយរូបគេបានបញ្ចប់ការសង្ស័យផ្សេងៗតាមរយៈការបន្ថែម1គ្រាប់ទៀតនៅជិតបញ្ចប់ការប្រកួតក្នុងតង់ទី2។ ក្រុមរបស់លោក Jurgen Klopp នឹងត្រូវប៉ះជាមួយនឹងក្រុម Chelsea ក្នុងវគ្គផ្តាច់ព្រ័ត្រ នៅថ្ងៃទី27 ខែកុម្ភៈ ខាងមុខ។ គ្រាប់បាល់ទី13 និងទី14របស់ Jota នៅរដូវកាលនេះ បានបង្ហាញពីតម្លៃរបស់គេចំពេលដ៏សំខាន់ ស្របពេលដែល Liverpool បានអវត្តមានតារាឆ្នើម Mohamed Salah និង Sadio Mane ដោយសារតែពួកគេត្រូវបំពេញកាតព្វកិច្ចក្នុងយុទ្ធនាការ African Cup of Nations។ ក្រុមហង្សក្រហមមួយនេះ ដែលបានលើកពាន League Cup ក្នុងឆ្នាំ2021 ឈានទៅប្រកួតវគ្គផ្តាច់ព្រ័ត្រ ជាលើកដំបូង បើគិតចាប់តាំងពីឆ្នាំ2016 ខណៈដែលពួកគេសមឹ្លងរកការឈ្នះពាននេះជាលើកទី9៕
ប្រភពព័ត៌មាន៖ The Guardian