តារាឆ្នើម Mane របស់ Liverpool ជួយឲ្យ សេណេហ្គាល់ ឈ្នះថ្ងៃបើកឆាក

គ្រាប់បាល់​ប៉េណាល់​ទី​របស់ Sadio Mane នៅ​នាទី​បន្ថែម បាន​ជួយឲ្យក្រុម​បាល់ទាត់​ជម្រើស​ជាតិ​សេ​ណេ​ហ្គាល់ យកឈ្នះ​លើ​ក្រុម​ជម្រើស​ជាតិ​ហ្ស៊ីម​បា​វ៉េ ក្នុងលទ្ធ​ផល 1-0 ក្នុង​ការ​ប្រកួត​បើកឆាក​ក្នុងពូល B ក្នុង​ព្រឹត្តិការណ៍ Africa Cup of Nations កាលពីថ្ងៃ​ចន្ទ​។ ស្រប​ពេល​ជាមួយ​គ្នា​នេះ Sofiane Boufal

ក៏​រក​បាន​គ្រាប់​បាល់​បញ្ចូល​ទី​ផង​ដែរ ក្នុង​ពេលក្រុម​ជម្រើស​​ជាតិ​ម៉ា​រ៉ុក ​យកឈ្នះ​លើ​ក្រុម​ជម្រើស​ជាតិ​ហ្គាណា ក្នុងលទ្ធផល 1-0 ក្នុង​ការ​ប្រកួត​បើកឆាក​ក្នុងពូល C​។ ក្នុងការ​ប្រកួត​ពូល B 1​គូ​ទៀត ក្រុម​ជម្រើស​ជាតិហ្គីណេ បានយកឈ្នះលើ​ក្រុម​ម៉ា​ឡា​វី 1-0 តាមរយៈ​គ្រាប់បាល់​របស់​កីឡាករ Issiaga Sylla នៅ​នាទី ទី​35 ក្នុង​ការ​ប្រកួត​ក្រោម​កម្តៅថ្ងៃ​​30​អង្សាសេ ក្នុង​ទីក្រុង Bafoussam​។ លទ្ធផល​នេះ បាន​រក្សា​ការ​ដណ្តើម​បាន​ជ័យ​ជម្នះ​ក្នុង​លទ្ធផល 1-0 ក្នុង​យុទ្ធនា​ការ​មួយ​ដែល​បាន​ចាប់​ផ្តើម​កាលពីថ្ងៃ​អាទិត្យ ក្រោយពី​ត្រូវ​បាន​ពន្យារ​ពេល​អស់​រយៈ​ពេល​1​ឆ្នាំ ដោយ​សារ​តែ​ការ​ផ្ទុះ​ការ​ឆ្លង​កូវីដ19​៕

ប្រភព​ព័ត៌មាន៖ BBC