188BET ក្លាយជាដៃគូសហការក្នុងតំបន់របស់ក្លិប FC BAYERN ប្រចាំអាស៊ី

ទីក្រុង Munich ថ្ងៃទី17 ខែកញ្ញា ឆ្នាំ2021

188BET នឹងក្លាយជាដៃគូសហការលើការភ្នាល់ក្នុងតំបន់របស់ក្លិប FC Bayern Munich ប្រចាំអាស៊ី។ កិច្ចសន្យារយៈពេល 3ឆ្នាំ នឹងតម្រូវឲ្យភាគីទាំង2ធ្វើការរួមគ្នាដើម្បីផ្តល់ភាពរីករាយដល់អ្នកគាំទ្រកីឡានៅក្នុងទ្វីបអាស៊ី។

គោលដៅចម្បងនៃកិច្ចសហប្រតិបត្តិការនេះ គឺការបង្ហាញស្លាកយីហោតាមឌីជីថល មាតិការស្តីពីកីឡាករ ក៏ដូចជាការផ្សព្វផ្សាយយីហោតាមរយៈពាណិជ្ជកម្មនិម្មិតនៅកីឡដ្ឋាន Allianz Arena។ លោក Rouven Kasper ប្រធានក្លិប FC Bayern München បានឲ្យដឹងថា៖ «យើងពិតជារំភើបណាស់ក្នុងការស្វាគមន៍ 188BET មកកាន់គ្រួសារ FC Bayern ក្នុងនាមជាដៃគូក្នុងតំបន់ ហើយយើងពិតជាទន្ទឹងរង់ចាំការធ្វើការជាមួយគ្នាដើម្បីនាំយកបទពិសោធដ៏អស្ចារ្យទៅកាន់អ្នកគាំទ្រនៅអាស៊ីរបស់យើង។ គោលបំណងរបស់យើងគឺការបង្កើតទំនាក់ទំនងដ៏រឹងមាំមួយ ហើយខ្ញុំប្រាកដចិត្តថា កិច្ចសហប្រតិបត្តិការរួមគ្នារវាងយីហោ2នេះ នឹងបង្កើតឲ្យមានពេលវេលាដ៏អស្ចារ្យជាមួយគ្នា។ យើងមានសេចក្តីសោមនស្សណាស់ក្នុងការស្ថិតក្នុងផ្នែកមួយនៃកិច្ចសហប្រតិបត្តិការនេះ»។

លោក Nigel Singer នាយកអង្គភាព 188BET បានបន្ថែមថា៖ «យើងមានសេចក្តីសោមន្សរីករាយណាស់ក្នុងការសហការជាមួយនឹងក្លិប FC Bayern Munich និងនាំយកភាពរំភើបពីក្លិបដ៏ជោគជ័យបំផុតក្នុងប្រវត្តិសាស្ត្រកីឡាបាល់ទាត់អាល្លឺម៉ង់ទៅកាន់អ្នកគាំទ្រនៅអាស៊ី។ ជាមួយនឹងបេតិកភណ្ឌដ៏សម្បូរបែប និងអ្នកគាំទ្រទូទាំងពិភពលោក ក្លិប FC Bayern Munich និងក្របខ័ណ្ឌ Bundesliga មានចំណុចពិសេសជាច្រើនក្នុងការផ្តល់ជូនអ្នកគាំទ្ររបស់យើង ហើយយើងសម្លឹងឆ្ពោះទៅកាន់ការសហការគ្នាយ៉ាងជោគជ័យក្នុងរយៈពេល3ឆ្នាំខាងមុខនេះ»។

អំពីក្លិប FC Bayern

ម្ចាស់ជើងឯកអាល្លឺម៉ង់មួយនេះ ដើរតួនាទីយ៉ាងសកម្មនៅអាស៊ី តាមរយៈការរៀបចំកម្មវិធីយុវជន និងព្រឹត្តិការណ៍ជាមួយនឹងអ្នកគាំទ្រជាច្រើន។ ក្រុមឈុតធំ បានលេងក្នុងការប្រកួតជាច្រើននៅអាស៊ី ក្នុងរយៈពេលប៉ុន្មានឆ្នាំចុងក្រោយនេះ នៅក្នុងប្រទេសចិន (Beijing, Shanghai និង Guangzhou) ក្នុងឆ្នាំ2015 និងនៅប្រទេសចិនដដែល (Shanghai និង Shenzhen) និងសិង្ហបុរី នៅឆ្នាំ2017។ បន្ថែមលើនេះទៅទៀត ការិយាល័យអន្តរជាតិ2 នៅលើទីផ្សារអាមេរិក (ទីក្រុងញូវយ៉ក) និងប្រទេសចិន (ស៊ាងហៃ) កាន់តែពង្រឹងសកម្មភាពរបស់ក្រុមម្ចាស់ជើងឯកជាកំណត់ត្រារបស់អាល្លឺម៉ង់មួយនេះ មួយកម្រិតទៀត។ បច្ចុប្បន្ន ក្លិប FC Bayern មានអ្នកគាំទ្រសរុបច្រើនជាង 997លាននាក់ទូទាំងពិភពលោក ក្នុងនោះ 510លាននាក់ គឺជាអ្នកគាំទ្រនៅអាស៊ី។

អំពី 188BET

188BET គឺជាអង្កភាពផ្តល់ការភ្នាល់តាមអនឡាញឈានមុខគេ ដោយទទួលបានអាជ្ញាបណ្ណ និងសិទ្ធិស្របច្បាប់ពីក្រុមប្រឹក្សាគ្រប់គ្រងការភ្នាល់ Isle of Man Gambling Supervision Commission។ 188BET ផ្តល់ការភ្នាល់ជាភាសាជាច្រើនចម្រុះគ្នា លើផលិតផលជាច្រើនប្រភេទ ដូចជា កីឡា, កីឡាអិនធើណិត, ស្លត់, កាស៊ីណូ និងល្បែងជាច្រើនទៀត។ សម្រាប់ព័ត៌មានបន្ថែម សូមចូលទៅកាន់ 188BET.com។