Lazio ផ្តួល AC Milan ដោយងាយ ដើម្បីរក្សាក្តីសង្ឃឹមប្រជែងកៅអី CL

ក្រុម Lazio បាន​រក្សាក្តីសង្ឃឹមនៃ​ការប្រជែង​យកកៅអីក្នុងក្រប​ខ័ណ្ឌ Champions League និង​បានធ្វើ​ឲ្យ​ក្រុម AC Milan រង​បរា​ជ័យ​ជាលើក​ទី​២​ជាប់​ៗ​គ្នា​ក្នុងក្រប​ខ័ណ្ឌ Serie A ខណៈ​ដែល​ខ្សែ​ប្រយុទ្ធ Joaquin Correa បាន​ស៊ុត​បាល់​បញ្ចូល​ទី​២គ្រាប់ ក្នុង​ពេល​​ពួកគេ​បាន​យកឈ្នះ​ ៣-០ នា​កីឡដ្ឋាន Stadio Olimpico កាលពីថ្ងៃ​ចន្ទ​។

AC Milan កំពុង​តែ​ស្ថិតក្នុង​ចំណាត់​ថ្នាក់​លេខ​៥ ដោយ​មាន​៦៦ពិន្ទុ​ស្មើ​ជា​មួយនឹងក្រុម Napoli និង Juventus និង​តាម​ពីក្រោយក្រុម Atalanta ២ពិន្ទុ ស្រប​ពេល​ដែលក្រុម Lazio ដេញ​តាមពីក្រោយ​៥​ពិន្ទុ ដោយ​នៅ​សល់​១​ប្រកួតក្នុង​ដៃ​។ Correa បាន​រក​គ្រាប់​បាល់​បើក​ឆាក​សម្រាប់ក្រុម Lazio ក្រោយ​ពីលេង​បាន​ត្រឹម​តែ​១​នាទី នៅ​កីឡដ្ឋាន Stadio Olimpico ក្នុង​ទីក្រុង​រ៉ូម និង​បាន​បន្ថែម​គ្រាប់បាល់​ទី​២​ក្នុង​រយៈពេល​​ត្រឹម​តែ​៥​វិនាទីបន្ទាប់​ពី​សម្រាក​តង់​ទី​១​។ ខ្សែ​ប្រយុទ្ធ Ciro Immobile បាន​រក​គ្រាប់​បាល់​ទី​៣ នៅ​រយៈពេល​៣នាទី​ចុងក្រោយ ខណៈដែល Lazio ឡើ​ឈរ​ក្នុង​ចំណាត់​ថ្នាក់​លេខ​៦​លើ​តារាង​។ ទាំង AC Milan, Juventus និង Napoli មាន​១៣ពិន្ទុ​តាមពីក្រោយក្រុម​កំពុង​នាំមុខ​ Inter Milan ដែល​អាច​ឈ្នះ​ពានលីក​ជាលើក​ដំបូង​របស់​ពួក​គេ បើ​គិត​ចាប់​តាំងពីឆ្នាំ​២០១០ នៅថ្ងៃ​សៅរ៍​នេះ ប្រសិន​បើ​ពួកគេផ្តួល​ក្រុម  Crotone ហើយ​ក្រុម​ឈរលេខ​២ Atalanta មិន​អាច​ដណ្តើម​បាន​ជ័យ​ជម្នះ​នៅ​ថ្ងៃ​អាទិត្យ​៕

ប្រភព​ព័ត៌​មាន៖ Channel News Asia

#188BETCAMBODIA #188BET