ក្លិបទាំង6របស់អង់គ្លេស ដកខ្លួនចេញពីគម្រោងបង្កើតពាន Super League

រាល់​ក្លិប​ទាំង​៦​របស់​ក្រប​ខ័ណ្ឌ Premier League ដែល​ចូល​រួម​ក្នុង​គម្រោង​បង្កើត​ក្រប​ខ័ណ្ឌ European Super League បាន​ដក​ខ្លួន​ចេញពី​ផ្លូវ​ការ​​ហើយ​កាលពីថ្ងៃ​អង្គារ​។ Manchester City គឺ​ជាក្លិប​ដំបូង​គេ​ដែល​បាន​ដកខ្លួន ក្រោយពី​ Chelsea បាន​បង្ហាញពី​សញ្ញា​នៃ​បំណង​របស់​គេ​ក្នុង​ការ​ធ្វើ​បែបនេះ​ដែរ តាមរយៈ​ការត្រៀម​ឯក​សារ​នានា ដើម្បី​ដក​ខ្លួន​។ ក្លិប​បួន​ផ្សេង​ទៀត រួម​មាន Arsenal, Liverpool, Manchester United និង Tottenham ក៏​សម្រេច​ចិត្ត​ដកខ្លួន​ផង​ដែរ​។